وفاقی وزیر تجارت جام کمال خان 4 روزہ تجارتی دورے پر ویت نام پہنچ گئے

ویب ڈیسک

09th Jul, 2025. 03:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی وزیر تجارت جام کمال خان 4 روزہ تجارتی دورے پر ویت نام پہنچ گئے

وفاقی وزیر تجارت جام کمال خان 4 روزہ سرکاری دورے پر ویتنام پہنچ گئے، جو گزشتہ 15 برسوں میں کسی پاکستانی وزیر کا ویتنام کا پہلا اعلیٰ سطحی دورہ ہے۔

ہوائی اڈے پر ویتنامی وزارت تجارت کے ایشیا ڈائریکٹر اور سیکرٹری سرمایہ کاری و تجارت نے وزیر تجارت کا پرتپاک استقبال کیا۔

دورے کے دوران جام کمال خان ویتنام کے وزیر صنعت و تجارت سے اہم ملاقات کریں گے جس میں دو طرفہ تجارتی حجم بڑھانے، ٹیرف میں کمی، اور سرمایہ کاری کے نئے مواقع پر تبادلہ خیال متوقع ہے۔

اس موقع پر پاکستان–ویتنام مشترکہ تجارتی کمیٹی (JTC) کا پانچواں اجلاس بھی ہنوئی میں منعقد ہوگا۔

وزیر تجارت ویتنام کے مرکزی بینک، ہائی ٹیک انڈسٹریل پارک اور کاروباری رہنماؤں کے ساتھ ملاقاتیں کریں گے تاکہ صنعتی و مالیاتی شعبوں میں تعاون کو فروغ دیا جا سکے۔ وہ ویتنامی چیمبر آف کامرس اینڈ انڈسٹری (VCCI) کے نمائندوں سے بھی بات چیت کریں گے۔

حکام کے مطابق دورے کا بنیادی مقصد دونوں ممالک کے درمیان تجارتی، اقتصادی اور صنعتی تعلقات کو نئی جہت دینا ہے۔

ماہرین کا کہنا ہے کہ یہ دورہ پاکستان اور ویتنام کے درمیان اقتصادی تعاون کے ایک نئے اور اہم باب کا آغاز ثابت ہو سکتا ہے۔