نوکری کی تلاش میں آئے نوجوان ڈاکوؤں کے ہاتھوں ذبح، ایک جاں بحق، دوسرا زخمی

اسٹاف رپورٹر

19th Jul, 2025. 04:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوکری کی تلاش میں آئے نوجوان ڈاکوؤں کے ہاتھوں ذبح، ایک جاں بحق، دوسرا زخمی

سندھ کے ضلع جیکب آباد میں سفاک واردات کے دوران ملتان سے روزگار کی تلاش میں آئے دو نوجوان ڈاکوؤں کے ہاتھوں ظلم و بربریت کا نشانہ بن گئے۔

ڈاکوؤں نے تیز دھار آلے سے دونوں نوجوانوں کی گردنیں کاٹ دیں، جس کے نتیجے میں ایک نوجوان موقع پر ہی جاں بحق جبکہ دوسرا شدید زخمی ہو گیا۔

واقعہ تھانہ سی سیکشن کی حدود میں پیش آیا۔ پولیس کے مطابق جاں بحق ہونے والے نوجوان کی شناخت وحید احمد شیخ کے نام سے ہوئی ہے جو خانیوال کا رہائشی تھا، جبکہ زخمی نوجوان محمد سلیمان کا تعلق ملتان سے ہے۔

زخمی کو فوری طور پر ٹی ایچ کیو ہسپتال منتقل کیا گیا، تاہم حالت تشویشناک ہونے کے باعث اُسے لاڑکانہ ریفر کر دیا گیا۔

پولیس نے جائے وقوعہ پر پہنچ کر نعش کو تحویل میں لے کر اسپتال منتقل کر دیا اور شواہد جمع کیے۔

سی سیکشن پولیس کا کہنا ہے کہ واقعے کی تفتیش جاری ہے، اور حقائق سامنے آنے پر فوری کارروائی عمل میں لائی جائے گی۔

سفاک واردات پر شہریوں نے شدید غم و غصے کا اظہار کرتے ہوئے ملزمان کی جلد گرفتاری کا مطالبہ کیا ہے۔