میرپور ماتھیلو: طالبہ سے زیادتی کیس میں دو ملزمان کو عمر قید کی سزا

اسٹاف رپورٹر

12th Jul, 2025. 12:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میرپور ماتھیلو: طالبہ سے زیادتی کیس میں دو ملزمان کو عمر قید کی سزا

میرپور ماتھیلو کی سیکنڈ سول جج کی عدالت نے طالبہ سے زیادتی کیس کے دو ملزمان کو عمر قید کی سزا سنادی ہے۔

سزا پانے والوں میں ڈہرکی کے نجی اسکول کے پرنسپل عبدالجبار شر اور استاد وسیم سومرو شامل ہیں۔

تفصیلات کے مطابق 2019 میں دونوں ملزمان نے نجی اسکول میں زیر تعلیم ساتویں جماعت کی طالبہ انیسہ بھٹو کو زیادتی کا نشانہ بنایا تھا۔ اس افسوسناک واقعے کے بعد متاثرہ بچی کے والد عبدالخالق بھٹو کی مدعیت میں ڈہرکی تھانے میں اجتماعی زیادتی کا مقدمہ درج کیا گیا تھا۔

کئی سالوں تک کیس کی سماعت جاری رہی، اور آج عدالت نے ثبوتوں اور گواہوں کی روشنی میں دونوں مجرموں کو عمر قید کی سزا سنائی۔ فیصلے کے بعد دونوں مجرموں کو فوری طور پر جیل منتقل کر دیا گیا ہے۔

یہ فیصلہ متاثرہ خاندان کے لیے جزوی انصاف کا باعث بنا ہے، جبکہ شہری حلقوں کی جانب سے عدالت کے اس اقدام کو سراہا جا رہا ہے۔ پولیس حکام نے یقین دہانی کروائی ہے کہ آئندہ بھی ایسے حساس مقدمات میں انصاف کی فراہمی کو یقینی بنایا جائے گا۔