نیپرا نے کراچی اور باقی ملک کے لیے بجلی کی قیمتوں میں کمی کا اعلان کر دیا

ویب ڈیسک

09th Jul, 2025. 07:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیپرا نے کراچی اور باقی ملک کے لیے بجلی کی قیمتوں میں کمی کا اعلان کر دیا

نیشنل الیکٹرک پاور ریگولیٹری اتھارٹی (نیپرا) نے ماہانہ فیول ایڈجسٹمنٹ کی مد میں ملک بھر کے صارفین کے لیے بجلی کی قیمتوں میں کمی کا اعلان کر دیا ہے۔

کمی کے حوالے سے کراچی اور باقی ملک کے لیے علیحدہ علیحدہ نوٹیفکیشنز جاری کیے گئے ہیں۔

کراچی کے صارفین کو بڑا ریلیف دیا گیا ہے، نیپرا کے نوٹیفیکیشن کے مطابق کے الیکٹرک کے صارفین کے لیے بجلی کی قیمت میں 4 روپے 3 پیسے فی یونٹ کمی کی گئی ہے۔

نوٹیفیکیشن کے مطابق یہ کمی اپریل 2025 کی ماہانہ ایندھن ایڈجسٹمنٹ کی بنیاد پر کی گئی ہے، جبکہ کے الیکٹرک نے اپریل کے لیے 4 روپے 69 پیسے فی یونٹ کمی کی درخواست کی تھی۔

دوسری جانب نیپرا نے سی پی پی اے (Central Power Purchasing Agency) کی جانب سے مئی 2025 کی ایڈجسٹمنٹ میں 10 پیسے فی یونٹ اضافے کی درخواست مسترد کرتے ہوئے باقی ملک کے صارفین کے لیے 50 پیسے فی یونٹ کمی کا اعلان کیا ہے، یہ کمی مئی 2025 کی فیول ایڈجسٹمنٹ کی بنیاد پر کی گئی ہے۔