کراچی میں ڈکیتی کی بڑی واردات، ڈاکو 70 سے زائد موبائل فون اور نقدی لوٹ کر فرار

اسٹاف رپورٹر

27th Jul, 2025. 09:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں ڈکیتی کی بڑی واردات، ڈاکو 70 سے زائد موبائل فون اور نقدی لوٹ کر فرار

لاہور: شہری سے 17 لاکھ کی 4 وارداتوں میں ملوث سب انسپکٹر گرفتار

کراچی میں گلشن اقبال کے علاقے 13 ڈی میں واقع ایک گیمنگ زون میں رات گئے مسلح ڈاکوؤں نے بڑی ڈکیتی کی واردات کی، جس میں 70 سے زائد موبائل فونز، نقدی، اور دیگر قیمتی اشیاء لوٹ لی گئیں۔

ذرائع کے مطابق واردات میں 6 سے 10 کے قریب مسلح ملزمان ملوث تھے، جنہوں نے گیمنگ زون میں موجود درجنوں نوجوانوں کو یرغمال بنا کر لوٹ مار کی۔ واردات کے وقت زون میں 60 سے 70 کے درمیان افراد موجود تھے۔

ڈاکو نہ صرف تمام افراد سے موبائل فون اور نقدی چھین کر فرار ہوئے، بلکہ سیکیورٹی گارڈ پر تشدد کر کے اس کا اسلحہ اور سی سی ٹی وی کی ڈی وی آر بھی ساتھ لے گئے۔

سیکیورٹی گارڈ نے بتایا کہ ملزمان جدید اور روایتی دونوں اقسام کے ہتھیاروں سے لیس تھے، اور اسے تشدد کا نشانہ بنانے کے بعد گھسیٹ کر اندر لے جایا گیا۔

پولیس کا کہنا ہے کہ ابتدائی تفتیش کے مطابق واردات میں 13 افراد سے موبائل فون چھینے گئے، آس پاس کی سی سی ٹی وی فوٹیجز حاصل کر کے ملزمان کی شناخت اور گرفتاری کے لیے کارروائی جاری ہے۔

پولیس نے مقدمہ درج کر کے تحقیقات کا آغاز کر دیا ہے۔ شہریوں میں واقعے کے بعد خوف و ہراس پایا جاتا ہے۔