برسلز میں پاکستان اور یورپی یونین کے درمیان دسویں سیاسی مذاکرات کا انعقاد

ویب ڈیسک

17th Jul, 2025. 04:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برسلز میں پاکستان اور یورپی یونین کے درمیان دسویں سیاسی مذاکرات کا انعقاد

برسلز میں پاکستان اور یورپی یونین کے درمیان دسویں سیاسی مذاکرات کا انعقاد ہوا، جس میں دو طرفہ تعلقات کے ساتھ ساتھ اہم علاقائی اور عالمی امور پر بھی تفصیلی تبادلہ خیال کیا گیا۔

مذاکرات میں پاکستانی وفد کی قیادت سیکرٹری خارجہ آمنہ بلوچ نے کی، جبکہ یورپی یونین کے وفد کی سربراہی یورپین ایکسٹرنل ایکشن سروس کے ڈپٹی سیکرٹری جنرل، اولوف سکوگ نے کی۔

دونوں فریقین نے اسٹریٹجک انگیجمنٹ پلان (SEP) پر مؤثر عملدرآمد کے عزم کا اعادہ کیا۔ پاکستانی وفد نے اس موقع پر مقبوضہ جموں و کشمیر کی موجودہ صورتحال اور وہاں انسانی حقوق کی سنگین خلاف ورزیوں پر یورپی وفد کو تفصیلی بریفنگ دی۔

فریقین نے اس بات پر زور دیا کہ تمام تنازعات کے حل کے لیے بات چیت اور سفارتکاری کا راستہ اختیار کیا جانا چاہیے۔

مذاکرات کے دوران غزہ کی صورتحال پر بھی گفتگو کی گئی، اور پاکستان و یورپی یونین نے فوری جنگ بندی کے لیے مشترکہ اپیل کی۔ دونوں نے فلسطین میں دیرپا اور منصفانہ امن کے قیام کے لیے اپنی مکمل حمایت کا اعادہ کیا۔

اس موقع پر فریقین نے اس بات پر بھی اتفاق کیا کہ ساتواں پاک۔یورپی یونین اسٹریٹجک ڈائیلاگ جلد منعقد کیا جائے گا تاکہ تعاون کو مزید وسعت دی جا سکے۔