پاکستان اور بنگلا دیش کے درمیان 3 میچوں کی ٹی 20 سیریز کے پہلے میچ میں بنگال ٹائیگرز نے گرین شرٹس کو مکمل آؤٹ کلاس کرتے ہوئے 7 وکٹوں سے شکست دے دی۔

پاکستان کے 110 رنز کا آسان ہدف بنگلا دیش نے 15.3 اوورز میں 3 وکٹوں کے نقصان پر حاصل کر لیا۔

بنگلہ دیش کے پرویز حسین نے 56 رنز کی ناقابل شکست اننگ کھیلی، توحید ہردوائے نے 36 رنز بنائے۔

پاکستان کی جانب سے سلمان مرزا نے 2 جبکہ عباس آفریدی نے 1 کھلاڑی کو آؤٹ کیا۔

شیر بنگلا نیشنل اسٹیڈیم میرپور میں کھیلے جانے والے 3 ٹی 20 میچز کی سیریز کے پہلے میچ میں بنگلا دیش کے کپتان کپتان لٹن داس نے ٹاس جیت کر پاکستان کو پہلے بیٹنگ کی دعوت دی ہے۔

پاکستان کی پوری ٹیم مقررہ 19.3 اوورز میں 110 رنز پر ڈھیر ہو گئی۔

پہلے بیٹنگ کرتے ہوئے گرین شرٹس کے بیٹرز ریت کی دیوار ثابت ہوئے اور صرف 46 رنز پر 5 کھلاڑی پویلین واپس لوٹ گئے۔

اوپنر فخر زمان سب سے نمایاں بیٹسمین تھے جنہوں نے 44 رنز بنائے، خوشدل شاہ 17 اور عباس آفریدی نے 22 رنز بنائے جبکہ 8 کھلاڑی ڈبل فیگر میں بھی داخل نہ ہو سکے۔

بنگلا دیش کی جانب سے تسکین احمد نے 3، مستفیض الرحمان نے 2، اور مہدی حسن اور تنظیم حسن نے ایک ایک کھلاڑی کو آؤٹ کیا۔

اسکواڈ:

پاکستان: فخر زمان، صائم ایوب، محمد حارث، سلمان آغا (کپتان) حسن نواز، خوشدل شاہ، محمد نواز، فہیم اشرف، عباس آفریدی، ابرار احمد، سلمان مرزا

بنگلا دیش: تنزید حسن، پرویز حسین ایمان، لٹن داس (کپتان)، توحید ہردوائے، شمیم حسین، ذاکر علی، مہدی حسن، رشاد حسین، تنظیم حسین شکیب، مستفض الرحمن، تسکین احمد