بھارت نے مزید ٹیرف عائد کرنے کو غیرمنصفانہ، بلاجواز اور افسوسناک قرار دے دیا

ویب ڈیسک

07th Aug, 2025. 09:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

بھارت نے مزید ٹیرف عائد کرنے کو غیرمنصفانہ، بلاجواز اور افسوسناک قرار دے دیا
جب چاہیں غزہ پر حملہ کر سکتے ہیں ، کسی اجازت یا معا ہدے کے باپند نہیں، نیتن یاہو
جنگ بندی معاہدے کی پاسداری کیلئے اسرائیل پر دباؤ ڈالا جائے ، حماس کا مطالبہ
بھارتی ٹاٹا گروپ غزہ نسل کشی میں اسرائیل کا مدد گار رہا ، تفصیلی رپورٹ منظر عام پر آ گئی

Now Reading:

بھارت نے مزید ٹیرف عائد کرنے کو غیرمنصفانہ، بلاجواز اور افسوسناک قرار دے دیا

بھارت نے امریکی صدر ڈونلڈ ٹرمپ کی جانب سے بھارت پر مزید ٹیرف عائد کرنے کے اعلان کو افسوسناک، غیرمنصفانہ اور بلاجواز قرار دیا ہے۔

وزارت خارجہ کے ترجمان نے کہا کہ امریکا کا مزید ٹیرف لگانے کا فیصلہ افسوسناک ہے۔ ایسے اقدامات نہ صرف غیرمنصفانہ اور غیرضروری ہیں بلکہ دو طرفہ تعلقات میں تناؤ پیدا کر سکتے ہیں۔

ترجمان نے مزیدکہا کہ بھارت اپنے قومی مفادات کے تحفظ کے لیے ضروری اقدامات کرنے میں کوئی ہچکچاہٹ نہیں دکھائے گا۔

انہوں نے واضح کیا کہ بھارت کی روس سے تیل کی درآمدات کے بارے میں پہلے بھی مؤقف پیش کیا جا چکا ہے، اور ان درآمدات کا مقصد توانائی کی سکیورٹی کو یقینی بنانا ہے، نہ کہ کسی مخصوص ملک کو ناراض کرنا۔

ترجمان نے مزید کہاکہ یہ بدقسمتی ہے کہ امریکا بھارت کی روس سے تیل کی خریداری کو نشانہ بنا رہا ہے، حالانکہ بھارت اس حوالے سے بارہا اپنی پوزیشن واضح کر چکا ہے۔

واضح رہے کہ امریکی صدر نے وائٹ ہاؤس میں میڈیا سے گفتگو کرتے ہوئے بھارت کو روسی تیل کی خریداری پر مزید معاشی دباؤ کی دھمکی دیتے ہوئے 50 فیصد ٹیرف لگانے کا اعلان کیا تھا اور کہا تھا کہ اگر روسی تیل کی خرید بند نہ کی گئی تو بھارت پر مزید تجارتی پابندیاں عائد کی جائیں گی۔