قومی ٹیم میں سلیکٹ نہ کرنے پر کرکٹر تیمور علی کا پی سی بی کے خلاف مقدمہ

ویب ڈیسک

25th Aug, 2025. 01:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی ٹیم میں سلیکٹ نہ کرنے پر کرکٹر تیمور علی کا پی سی بی کے خلاف مقدمہ

کراچی: ٹی 20 کرکٹ ورلڈ کپ کے لیے قومی ٹیم میں سلیکٹ نہ کیے جانے پر ڈیرہ مراد جمالی کے کرکٹر تیمور علی نے پاکستان کرکٹ بورڈ (پی سی بی) کے خلاف سندھ ہائیکورٹ سے رجوع کر لیا۔

درخواست گزار کے وکیل اسد اللہ بلو ایڈووکیٹ نے مؤقف اپنایا کہ تیمور علی پاکستان کے بہترین فرسٹ کلاس کرکٹر ہیں اور ان کی کارکردگی شاندار رہی ہے، تاہم ورلڈ کپ کے لیے منتخب کھلاڑیوں کی پرفارمنس درخواست گزار سے کہیں کمتر ہے۔

انہوں نے کہا کہ امتیازی سلوک کے خلاف تیمور علی نے پی سی بی میں سیکشن 37 کے تحت اپیل بھی دائر کی تھی لیکن تاحال اس پر کوئی فیصلہ نہیں کیا گیا۔

وکیل درخواست گزار نے عدالت سے استدعا کی کہ پی سی بی کو اپیل پر فیصلہ کرنے کا حکم دیا جائے۔ اس موقع پر جسٹس عدنان اقبال چوہدری نے ریمارکس دیے کہ کیا سندھ ہائیکورٹ پی سی بی کے خلاف کرکٹر کی درخواست سننے کی مجاز ہے؟

وکیل نے مؤقف اختیار کیا کہ سابق ٹیسٹ کرکٹر دانش کنیریا کی درخواست پر اعلیٰ عدالتوں کے فیصلے موجود ہیں۔ عدالت نے وکیل سے سپریم کورٹ کے احکامات کی نقول طلب کرتے ہوئے سماعت دو روز کے لیے ملتوی کر دی۔