ایرانی صدر کا وزیر اعظم سے ٹیلیفونک رابطہ، سیلاب متاثرین سے اظہار ہمدردی

ویب ڈیسک

29th Aug, 2025. 07:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایرانی صدر کا وزیر اعظم سے ٹیلیفونک رابطہ، سیلاب متاثرین سے اظہار ہمدردی

وزیراعظم محمد شہباز شریف اور اسلامی جمہوریہ ایران کے صدر ڈاکٹر مسعود پیزشکیان کے درمیان آج ایک اہم ٹیلی فونک رابطہ ہوا، جس میں دوطرفہ تعلقات، حالیہ سیلابی صورتحال اور علاقائی امور پر تبادلہ خیال کیا گیا۔

ایرانی صدر نے پاکستان کے مختلف حصوں میں حالیہ سیلاب سے ہونے والے جانی و مالی نقصان پر گہرے دکھ اور افسوس کا اظہار کیا اور متاثرہ خاندانوں سے دلی ہمدردی و یکجہتی کا پیغام پہنچایا۔

انہوں نے اس مشکل وقت میں پاکستانی عوام کو ہر ممکن مدد فراہم کرنے کی پیشکش بھی کی۔

وزیراعظم شہباز شریف نے ایرانی صدر کے نیک جذبات پر شکریہ ادا کرتے ہوئے کہا کہ ایران کی حمایت اور یکجہتی نے پاکستان کے عوام کے دل جیت لیے ہیں۔

وزیراعظم نے ایران کے سپریم لیڈر آیت اللہ علی خامنہ ای کے لیے گہرے احترام اور نیک تمناؤں کا بھی اظہار کیا۔

دونوں رہنماؤں نے آئندہ ماہ چین کے شہر تیانجن میں شنگھائی تعاون تنظیم (SCO) کے سربراہی اجلاس کے دوران باہمی ملاقات اور گفتگو کے امکان پر بھی مثبت خیالات کا اظہار کیا۔

یہ رابطہ پاکستان اور ایران کے درمیان برادرانہ تعلقات کے تسلسل اور مشترکہ چیلنجز پر باہمی تعاون کی اہمیت کو اجاگر کرتا ہے۔