اسلام آباد: تحریک انصاف کی جانب سے تمام کمیٹیوں سے استعفے کے اعلان کے بعد پیپلزپارٹی کے سید نوید قمر نے پی اے سی اجلاس کی صدارت سنبھال لی۔
پبلک اکاؤنٹس کمیٹی (پی اے سی) کے اجلاس میں چیئرمین جنید اکبر خان کی غیر حاضری کے باعث کمیٹی کے سیکریٹری نے اعلان کیا کہ اجلاس کی صدارت کے لیے اراکین خود فیصلہ کریں۔
مزید پڑھیں: تحریک انصاف کی ٹرولنگ سے سابق سیشن جج ابراہیم اصغر بڑی مصیبت میں پھنس گئے
کمیٹی ممبران نے مشاورت کے بعد سید نوید قمر کو اجلاس کی صدارت کے لیے نامزد کیا، جس کے بعد نوید قمر نے بطور چیئرمین آج کے اجلاس کی صدارت سنبھالی۔
اجلاس کے دوران پی ٹی آئی کے رکن کمیٹی ثناء اللہ مستی خیل کمیٹی روم میں پہنچے اور اعلان کیا کہ پاکستان تحریک انصاف نے تمام پارلیمانی کمیٹیوں کی رکنیت سے مستعفی ہونے کا فیصلہ کیا ہے۔ اعلان کے بعد ثناء اللہ مستی خیل کمیٹی روم سے چلے گئے۔
Advertisement
اس موقع پر صحافی نے سوال کیا کہ کیا پی ٹی آئی کے تمام اراکین آج پی اے سی اجلاس میں شرکت نہیں کریں گے؟ اس پر ثناء اللہ مستی خیل نے جواب دیا کہ کچھ اراکین کو یہ پیغام پہنچ چکا ہے جبکہ کچھ کو ابھی نہیں ملا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
