قصور: دریائے ستلج میں پانی کی سطح بلند، درجنوں دیہات زیر آب، کھڑی فصلیں تباہ

اسٹاف رپورٹر

24th Aug, 2025. 10:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

قصور: دریائے ستلج میں پانی کی سطح بلند، درجنوں دیہات زیر آب، کھڑی فصلیں تباہ
دوحا امن معاہدے کے بعد پاک افغان سرحد جلد کھلنے کا امکان، دونوں فریقوں کا اصولی اتفاق
دوحا مذاکرات ہماری شرائط پر ہوئے، بھارت افغان دہشتگردوں کو فنڈ کرتا ہے، حنیف عباسی کا تہلکہ خیز انکشاف
لاہور، علامہ اقبال میڈیکل کالج میں AIMSCon-2025 کا شاندار انعقاد، 400 سے زائد تحقیقی مضامین پیش

Now Reading:

قصور: دریائے ستلج میں پانی کی سطح بلند، درجنوں دیہات زیر آب، کھڑی فصلیں تباہ

قصور: دریائے ستلج میں اونچے درجے کا سیلاب، درجنوں دیہات متاثر

قصور میں دریائے ستلج میں پانی کی سطح بلند ہونے سے دریا کنارے کے نشیبی علاقے مزید زیر آب آگئے۔ گنڈا سنگھ والا، باقر کے اور کوٹھی فتح محمد سمیت درجنوں دیہات شدید متاثر ہوئے ہیں۔

سیلابی پانی کے باعث ہزاروں ایکڑ پر کھڑی فصلیں تباہ ہو گئی ہیں جن کی مالیت کروڑوں روپے بتائی جا رہی ہے، کاشتکار شدید مالی بحران سے دوچار ہیں۔ متاثرہ دیہات کے مکینوں کو نقل مکانی کرنا پڑ رہی ہے جبکہ سیلابی ریلے مسلسل نشیبی علاقوں کو اپنی لپیٹ میں لے رہے ہیں۔

ڈپٹی کمشنر قصور نے کہا ہے کہ متاثرین کو بے یار و مددگار نہیں چھوڑا جائے گا اور کھانے پینے سمیت تمام ضروریات زندگی مہیا کی جا رہی ہیں۔ تلوار پوسٹ پر سیلاب متاثرین کے لیے ہر قسم کی سہولیات فراہم کی جا رہی ہیں۔

ریسکیو 1122 کی ٹیمیں فلڈ ریلیف آپریشن میں مصروف ہیں اور اب تک 5400 سے زائد متاثرین کو محفوظ مقامات پر منتقل کر چکی ہیں۔ ریسکیو اہلکار انسانوں کے ساتھ ساتھ مویشیوں کو بھی محفوظ مقامات پر پہنچانے میں سرگرم ہیں۔

ریسکیو ٹیموں کے مطابق اب تک 800 سے زائد مویشیوں کو بھی سیلابی پانی سے نکال کر محفوظ مقامات پر منتقل کیا گیا ہے۔ صورتحال پر قابو پانے کے لیے امدادی سرگرمیاں تیز کر دی گئی ہیں۔