کراچی: اورنگی ٹاؤن میں مکان گرنے سے 7 افراد زخمی، ریسکیو آپریشن جاری

اسٹاف رپورٹر

20th Aug, 2025. 01:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: اورنگی ٹاؤن میں مکان گرنے سے 7 افراد زخمی، ریسکیو آپریشن جاری

کورنگی میں کمرے کی چھت گرنے سے ڈیڑھ سالہ بچی جاں بحق،ایک بچی اور 2 خواتین زخمی

کراچی: اورنگی ٹاؤن مومن آباد بدر چوک کے قریب خستہ حال مکان گرنے کا واقعہ پیش آیا جس میں 7 افراد زخمی ہوگئے۔

ایس ایس پی ویسٹ طارق مستوئی کے مطابق مکان میں سیاسی جماعت اے این پی کا دفتر قائم تھا جہاں کارکنان موجود تھے۔ زخمی تمام افراد اے این پی کے ورکرز ہیں جنہیں ریسکیو ٹیموں نے نکال کر اسپتال منتقل کردیا ہے۔

ایس ایس پی ویسٹ نے بتایا کہ شبہ ہے مکان میں گیس لیکج موجود تھی اور پنکھے کا سوئچ آن کرتے ہی زور دار دھماکے سے مکان زمین بوس ہوگیا۔ کسی قسم کی دہشت گردی کے امکان کو رد نہیں کیا جا رہا، اس لیے بم ڈسپوزل اسکواڈ اور کرائم سین یونٹ کو بھی جائے وقوعہ پر طلب کرلیا گیا ہے۔

پولیس اور رینجرز کی بھاری نفری نے علاقے کو گھیرے میں لے لیا ہے جبکہ اربن سرچ اینڈ ریسکیو ٹیمیں بھی امدادی کارروائیوں میں مصروف ہیں۔ حکام کے مطابق مزید افراد کے ملبے تلے دبے ہونے کا خدشہ ہے جس کے باعث ریسکیو آپریشن جاری ہے۔