باجوڑ میں کلاؤڈ برسٹ اور آسمانی بجلی گرنے سے10 افراد جاں بحق، متعدد مکانات تباہ

اسٹاف رپورٹر

15th Aug, 2025. 10:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

باجوڑ میں کلاؤڈ برسٹ اور آسمانی بجلی گرنے سے10 افراد جاں بحق، متعدد مکانات تباہ

باجوڑ میں آسمانی بجلی گرنے سے 5 افراد جاں بحق، متعدد مکانات تباہ

باجوڑ کی تحصیل سلارزئی کے علاقے جبراڑئی میں کلاؤڈ برسٹ کے نتیجے میں سیلابی ریلے کی زد میں آکر10 افراد جاں بحق ہوگئے، جبکہ متعدد مکانات بھی تباہ ہوگئے ہیں۔

کلاؤڈ برسٹ کے نتیجے میں موسلادھار بارش کے باعث ندی نالوں میں طغیانی اور لینڈ سلائیڈنگ کے نتیجے میں مختلف حادثات میں 10 افراد جاں بحق ہوگئے جبکہ 7 گھر منہدم ہونے کے باعث کئی افراد ملبے تلے دب گئے۔

باجوڑ کی تحصیل سلارزو پشت کے قریب گاؤں جبراڑئی میں آسمانی بجلی گرنے کے باعث افسوسناک حادثہ پیش آیا، جس میں 5 افراد جاں بحق ہوگئے۔

مقامی ذرائع کے مطابق واقعے میں متعدد گھروں کو شدید نقصان پہنچا جبکہ کچھ مکانات مکمل طور پر ملبے تلے دب گئے ہیں۔

علاقے میں پانی کی سطح خطرناک حد تک بڑھ چکی ہے، جس کے باعث متاثرہ گاؤں تک پہنچنے میں ریسکیو ٹیموں کو شدید مشکلات کا سامنا ہے۔ راستے بند ہونے کے باعث امدادی سرگرمیوں میں تاخیر ہو رہی ہے۔

مقامی آبادی اپنی مدد آپ کے تحت متاثرین کو بچانے کی کوششوں میں مصروف ہے، جبکہ قبائلی رہنماؤں نے حکامِ بالا سے فوری طور پر امدادی کارروائیاں شروع کرنے اور متاثرین کو ہر ممکن سہولت فراہم کرنے کا مطالبہ کیا ہے۔