جلد پوٹن اور زیلنسکی کے درمیان ملاقات ہوگی، صدر ڈونلڈ ٹرمپ

ویب ڈیسک

16th Aug, 2025. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جلد پوٹن اور زیلنسکی کے درمیان ملاقات ہوگی، صدر ڈونلڈ ٹرمپ

سعودی عرب نے ابراہم اکارڈ میں شامل ہونے پر رضامندی ظاہر کردی، ٹرمپ کا دعویٰ

امریکی صدر ڈونلڈ ٹرمپ نے دعویٰ کیا ہے کہ روسی صدر ولادیمیر پوٹن اور یوکرینی صدر ولودومیر زیلنسکی کے درمیان جلد ملاقات متوقع ہے۔

امریکی نیوز چینل کو انٹرویو دیتے ہوئے صدر ٹرمپ نے کہا کہ جنگ بندی معاہدے کا دارومدار اب صدر زیلنسکی کے فیصلے پر ہے۔

ٹرمپ نے کہا کہ دونوں رہنما چاہتے ہیں کہ اس ملاقات میں میری موجودگی بھی ہو۔ انہوں نے مزید کہا کہ یہ سوچنا غلط تھا کہ روس اور یوکرین کے درمیان تنازعہ آسانی سے حل ہو جائے گا، دراصل یہ سب سے مشکل معاملہ ثابت ہوا ہے۔

امریکی صدر نے روسی صدر پیوٹن سے اپنی حالیہ ملاقات کو مثبت قرار دیتے ہوئے کہا کہ اب روس پر مزید پابندیاں لگانے یا اس پر غور کرنے کی ضرورت باقی نہیں رہی۔

ڈونلڈ ٹرمپ نے اس عزم کا اظہار کیا کہ وہ جنگ بندی معاہدے کو عملی شکل دینے کے لیے ہر ممکن کوشش کریں گے۔ ان کا کہنا تھا کہ ہمارے پاس اس معاہدے کو پایۂ تکمیل تک پہنچانے کے لیے ایک سنہری موقع ہے اور میں چاہتا ہوں کہ یہ معاہدہ ضرور ہو۔