اکتیس عرب و اسلامی ممالک کا مشترکہ بیان: نیتن یاہو کا گریٹر اسرائیل کا دعویٰ عرب سلامتی کے لیے سنگین خطرہ قرار

اسٹاف رپورٹر

16th Aug, 2025. 12:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اکتیس عرب و اسلامی ممالک کا مشترکہ بیان: نیتن یاہو کا گریٹر اسرائیل کا دعویٰ عرب سلامتی کے لیے سنگین خطرہ قرار

اکتیس عرب اور اسلامی ممالک نے ایک مشترکہ بیان جاری کرتے ہوئے اسرائیلی وزیراعظم نیتن یاہو کے گریٹر اسرائیل کے دعوے کو خطے کی سلامتی اور امن کے لیے خطرہ قرار دیا ہے۔

بیان میں کہا گیا ہے کہ نیتن یاہو کے یہ دعوے عالمی قوانین اور بین الاقوامی تعلقات کی کھلی خلاف ورزی ہیں، جو مشرقِ وسطیٰ میں امن کے امکانات کو نقصان پہنچا سکتے ہیں۔

عرب و اسلامی ممالک نے واضح کیا کہ وہ خطے میں امن قائم کرنے کے لیے مؤثر اقدامات کریں گے اور طاقت کے بل پر قبضے اور تسلط کی سوچ کو یکسر مسترد کرتے ہیں۔

مشترکہ اعلامیے میں اسرائیلی وزیر سموتریچ کے نسلی اور انتہاپسندانہ دھمکی آمیز بیانات کی شدید مذمت بھی کی گئی۔ مزید کہا گیا کہ اسرائیلی حکومت کی جانب سے نئی یہودی آبادکاری اسکیم نہ صرف ناقابلِ قبول ہے بلکہ یہ بین الاقوامی قوانین اور انسانی حقوق کی بھی خلاف ورزی ہے۔

عرب و اسلامی ممالک نے عالمی برادری سے مطالبہ کیا کہ وہ اسرائیل کی جارحانہ پالیسیوں کا نوٹس لے اور فلسطینی عوام کے حقِ خودارادیت کو یقینی بنانے کے لیے عملی اقدامات کرے۔