Advertisement
Advertisement
Advertisement

ڈسکہ، پاک فوج کا بروقت ریسکیو آپریشن، سکھ برادری کے درجنوں افراد محفوظ مقام پر منتقل

Now Reading:

ڈسکہ، پاک فوج کا بروقت ریسکیو آپریشن، سکھ برادری کے درجنوں افراد محفوظ مقام پر منتقل

پنجاب کے مختلف علاقوں، خصوصاً سیالکوٹ اور گردونواح کو حالیہ سیلاب نے شدید متاثر کیا ہے، جہاں پاک فوج نے بروقت ریسکیو آپریشن کرتے ہوئے سکھ برادری کے درجنوں افراد کو محفوظ مقامات پر منتقل کر دیا۔

ترجمان کے مطابق ڈسکہ میں سیلابی پانی میں پھنسے ہوئے خاندانوں کو نکالنے کے لیے پاک فوج کے جوانوں نے سول انتظامیہ کے ساتھ مل کر ریسکیو اور ریلیف سرگرمیاں انجام دیں، جس کے دوران اب تک 80 سے زائد افراد کو کامیابی سے بحفاظت منتقل کیا جا چکا ہے۔

ریسکیو کیے جانے والوں میں اکثریت سکھ برادری سے تعلق رکھتی ہے، جنہوں نے پاک فوج کی بروقت کارروائی کو سراہتے ہوئے کہا کہ پاک فوج نے جس طرح فوری پہنچ کر ہماری مدد کی، وہ ہمارے لیے قابلِ شکر و تحسین ہے۔

پاک فوج سول انتظامیہ کے ساتھ مل کر ریلیف آپریشن جاری رکھے ہوئے ہے، فوجی دستے کشتیوں، ٹرکوں اور میڈیکل ٹیموں کی مدد سے متاثرہ علاقوں میں خوراک، پینے کا پانی اور ابتدائی طبی امداد بھی فراہم کر رہے ہیں۔

 پاک فوج کے ترجمان کا کہنا ہے کہ ریسکیو آپریشن اس وقت تک جاری رہے گا جب تک تمام متاثرہ افراد مکمل طور پر محفوظ مقامات پر منتقل نہیں ہو جاتے۔

Advertisement

سیالکوٹ، ڈسکہ، نارووال، ظفر وال اور دیگر نچلے علاقوں میں سیلاب کے باعث صورتحال تاحال سنگین ہے، جہاں ندی نالوں اور دریاؤں میں طغیانی کے باعث لوگوں کو مشکلات کا سامنا ہے۔

فوجی ترجمان نے مزید بتایا کہ پاک فوج ہر ممکن کوشش کر رہی ہے کہ انسانی جانوں کو محفوظ بنایا جا سکے، اور متاثرہ خاندانوں کو بروقت ریلیف فراہم ہو۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
حیدرآباد جیسے سندھ کے بڑے شہر میں اعلی تعلیم کی سہولیات میسر نہیں ، مصطفیٰ کمال
بانی پی ٹی آئی سے ملاقات کے بعدہی پختونخوا کابینہ تشکیل پائے گی، مزمل اسلم
بھارتی سازشیں دھری رہ گئیں ، افغانستان سے معاہدہ پاکستان کی بڑی کامیابی
گندم کی فی من قیمت 3500 روپے مقرر، حکومت نے قومی گندم پالیسی کی منظوری دیدی
جنوبی وزیرستان سے خودکش بمبار گرفتار، اعترافی بیانات میں ہوشربا انکشافات
پیپلزپارٹی کا ن لیگ سے سیز فائر برقرار رکھنے کا فیصلہ
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر