پاکستان اسٹاک ایکسچینج (PSX) میں جمعرات کے روز کاروبار کے دوران نیا ریکارڈ قائم کرنے کے بعد مندی کا رجحان دیکھا گیا۔
ابتدائی سیشن میں انڈیکس 146,813 پوائنٹس کی بلند ترین سطح پر ٹریڈ ہوا، تاہم اختتامی لمحات میں پرافٹ ٹیکنگ کے باعث مارکیٹ مندی کا شکار ہو گئی۔
کاروبار کے اختتام پر کے ایس ای-100 انڈیکس 264 پوائنٹس کی کمی کے ساتھ 145,382 پوائنٹس پر بند ہوا۔
گزشتہ روز انڈیکس 145,647 پوائنٹس پر بند ہوا تھا، اس اعتبار سے آج کی مندی سرمایہ کاروں کے فوری منافع حاصل کرنے کے رجحان کو ظاہر کرتی ہے۔
آج کے سیشن کے دوران 54 کروڑ حصص کے سودے ہوئے جن کی مجموعی مالیت 45 ارب روپے رہی۔ مارکیٹ میں مجموعی طور پر 482 کمپنیوں کے شیئرز کی خرید و فروخت ہوئی۔
Advertisement
151 کمپنیوں کے حصص کی قیمتوں میں اضافہ، 296 کمپنیوں کے شیئرز میں کمی جبکہ 35 کمپنیوں کے حصص کی قیمتوں میں استحکام رہا۔
ماہرین کے مطابق مارکیٹ میں حالیہ تیزی کے بعد منافع کے حصول کے لیے فروخت کا رجحان معمول کا حصہ ہے، تاہم طویل المدتی سرمایہ کاری کے حوالے سے مارکیٹ میں مثبت توقعات بدستور قائم ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
