اسٹیٹ بینک آف پاکستان نے مالی سال 2024-25 کے لیے اپنے سالانہ مالی گوشوارے جاری کر دیے ہیں، جن کے ساتھ آڈیٹرز کی رپورٹ بھی منسلک کی گئی ہے۔
بینک نے اس مالی سال میں 2500 ارب روپے کا ریکارڈ منافع حاصل کیا، جس میں سے 2428 ارب روپے وفاقی حکومت کو منتقل کیے گئے۔
اسٹیٹ بینک کے ترجمان کے مطابق، مالی گوشوارے اور آڈیٹرز کی رپورٹ وفاقی حکومت اور پارلیمنٹ کو بھی ارسال کر دی گئی ہے، تاکہ مالی شفافیت اور احتساب کے تقاضے پورے کیے جا سکیں۔
بینک کا کہنا ہے کہ یہ مالیاتی گوشوارے اسٹیٹ بینک کی سرکاری ویب سائٹ پر بھی دستیاب ہیں، تاکہ عوام، محققین، اور مالی ماہرین ان تک آسانی سے رسائی حاصل کر سکیں۔
ماہرین کا کہنا ہے کہ اسٹیٹ بینک کی جانب سے حاصل کیا گیا یہ منافع معاشی نظم و ضبط، مالیاتی پالیسیوں کے بہتر نفاذ اور ریگولیٹری اقدامات کا نتیجہ ہے، جو ملک کی مجموعی اقتصادی سمت کے لیے ایک مثبت اشارہ سمجھا جا رہا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
