قومی ٹی ٹوئنٹی ٹیم کے کپتان سلمان علی آغا نے کہا ہے کہ ٹیم کا مکمل فوکس ایشیا کپ کی تیاریوں پر ہے، بہترین کمبی نیشن کے ساتھ میدان میں اتریں گے۔

انھوں نے کہا کہ دورہ بنگلہ دیش و ویسٹ انڈیز اسی حکمت عملی کا حصہ ہے تاکہ کھلاڑیوں کو بہترین کمبی نیشن کے ساتھ میدان میں اتارا جا سکے۔

مزید پڑھیں: ٹی 20 سیریز برابر؛ ویسٹ انڈیز نے پاکستان کو شکست دے دی

میڈیا سے گفتگو کرتے ہوئے سلمان علی آغا نے کہا کہ “آج کی پچ گزشتہ میچز کے مقابلے میں بہتر تھی، جس کا فائدہ بیٹنگ یونٹ نے اٹھایا اور اوپنرز نے ٹیم کو اچھا آغاز فراہم کیا۔ مائنڈ میں تھا کہ 160 رنز کا ہدف ہم ڈیفنڈ کر سکتے ہیں اور باؤلرز نے اختتامی اوورز میں شاندار کارکردگی دکھا کر ہماری حکمت عملی کو کامیاب بنایا۔”

انہوں نے کہا کہ صائم ایوب نے سیریز میں اچھی باؤلنگ کا مظاہرہ کیا ہے، اور وہ خود بھی آنے والے میچز میں باؤلنگ کریں گے تاکہ آل راؤنڈ پرفارمنس کے ساتھ ٹیم کو فائدہ پہنچایا جا سکے۔

واضح رہے کہ دورہ ویسٹ انڈیز کے دوران ٹیم کو ایک بڑا دھچکا اس وقت لگا جب فخر زمان انجری کا شکار ہوکر سیریز سے باہر ہو گئے۔

مزید پڑھیں: ٹی 20 سیریز برابر؛ ویسٹ انڈیز نے پاکستان کو شکست دے دی

میڈیا مینیجر پاکستان کرکٹ ٹیم کے مطابق، فخر زمان کو دوسرے ٹی ٹوئنٹی میچ میں فیلڈنگ کے دوران بائیں ہیمسٹرنگ میں کھچاؤ آیا جس کے بعد انہیں سیریز سے ڈراپ کر دیا گیا ہے۔

فخر زمان آج شام وطن واپس روانہ ہوں گے اور لاہور کی نیشنل کرکٹ اکیڈمی میں بحالی (ری ہیب) کا عمل مکمل کریں گے۔

سلمان علی آغا نے کہا کہ ٹیم تمام چیلنجز کے باوجود ایشیا کپ کے لئے بھرپور تیاری کر رہی ہے اور نوجوان کھلاڑیوں کی کارکردگی ٹیم کے اعتماد میں اضافہ کر رہی ہے۔

انھوں نے کہا کہ ہماری کوشش ہے کہ ایشیا کپ میں مکمل کمبی نیشن کے ساتھ میدان میں اتریں اور اچھی کرکٹ پیش کریں۔