اسحاق ڈار کی برطانوی پارلیمنٹ میں پاکستانی نژاد ارکان سے ملاقات، تعلقات کے فروغ پر زور

ویب ڈیسک

18th Aug, 2025. 06:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسحاق ڈار کی برطانوی پارلیمنٹ میں پاکستانی نژاد ارکان سے ملاقات، تعلقات کے فروغ پر زور

نائب وزیراعظم و وزیر خارجہ اسحاق ڈار نے اپنے دورۂ برطانیہ کے دوران برطانوی پارلیمنٹ کے پاکستانی نژاد ارکان سے اہم ملاقات کی۔

ترجمان دفتر خارجہ کے مطابق ملاقات میں باہمی دلچسپی کے امور، پاک-برطانیہ تعلقات اور اوورسیز پاکستانیوں کے کردار پر تفصیلی گفتگو ہوئی۔

ملاقات میں برطانوی ارکان پارلیمنٹ محمد یاسر، طاہر علی، عمران حسین، ایوب خان اور عدنان حسین شریک تھے۔

اسحاق ڈار نے اس موقع پر کہا کہ پاکستان اور برطانیہ کے درمیان تاریخی اور ثقافتی رشتے مضبوط بنیادوں پر قائم ہیں، جنہیں مزید وسعت دینے کی ضرورت ہے۔

انہوں نے کہا کہ برطانیہ میں مقیم پاکستانی کمیونٹی دوطرفہ تعلقات کو مضبوط بنانے میں پل کا کردار ادا کر رہی ہے۔

ان کا کہنا تھا کہ پاکستانی نژاد برطانوی شہریوں کی موجودگی سے دونوں ممالک کے درمیان ثقافتی تبادلے اور عوامی روابط کو فروغ ملا ہے، جو سفارتی تعلقات کے استحکام میں اہم عنصر ہے۔

نائب وزیراعظم نے پارلیمانی سطح پر تبادلوں اور روابط کے فروغ کی ضرورت پر زور دیتے ہوئے کہا کہ دونوں ممالک کے پارلیمانی اداروں کے درمیان براہ راست رابطے دوطرفہ مفاہمت اور تعاون میں کلیدی کردار ادا کر سکتے ہیں۔