قومی اسمبلی نے غزہ میں اسرائیلی جارحیت، انسانی حقوق کی پامالیوں اور بھوک کو بطور ہتھیار استعمال کرنے کے خلاف متفقہ طور پر مذمتی قرارداد منظور کر لی ہے۔
قرارداد پاکستان پیپلز پارٹی کی رکن شازیہ مری نے پیش کی، جسے ایوان نے متفقہ رائے سے منظور کیا۔
قرارداد میں کہا گیا ہے کہ یہ ایوان غزہ میں اسرائیل کی جانب سے بھوک کو بطور جنگی ہتھیار استعمال کرنے کے اقدام کی شدید مذمت کرتا ہے۔ قرارداد میں اسرائیل کی جانب سے مسلسل سویلین آبادی کو نشانہ بنانے پر بھی سخت احتجاج ریکارڈ کرایا گیا۔
مزید پڑھیں: قومی اسمبلی میں مہنگی بجلی کی گونج، 200 اور 201 یونٹ کا فرق ختم کرنے کا مطالبہ
ایوان نے او آئی سی (OIC) سمیت اقوام متحدہ اور دیگر عالمی اداروں سے مطالبہ کیا کہ وہ اسرائیل کے خلاف عملی اقدامات کریں اور فلسطینی عوام کو فوری ریلیف فراہم کیا جائے۔
Advertisement
قرارداد میں ایک بار پھر پاکستان کی جانب سے اسرائیلی جارحیت کے خلاف مکمل حمایت اور یکجہتی کا اعادہ کیا گیا۔
قومی اسمبلی نے عالمی انسانی حقوق کی تنظیموں سے بھی مطالبہ کیا کہ وہ اسرائیل کی انسانی حقوق کی سنگین خلاف ورزیوں پر فوری ایکشن لیں اور اسرائیل کو جوابدہ ٹھہرایا جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
