پاکستان اور آرمینیا کے درمیان باضابطہ طور پر سفارتی تعلقات قائم کر لیے گئے ہیں۔ نائب وزیراعظم اسحاق ڈار نے آرمینیا کے وزیر خارجہ ارارات مرزویان سے ملاقات کی، جس میں دونوں ممالک کے درمیان سفارتی دستاویزات کا تبادلہ کیا گیا۔
یہ ملاقات ایک تاریخی موقع پر ہوئی، جس میں دونوں رہنماؤں نے اقوام متحدہ کے چارٹر کے اغراض و مقاصد کے حصول کے عزم کا اعادہ کیا۔
اس موقع پر دونوں ممالک نے عالمی سطح پر امن، استحکام اور ترقی کے لیے ایک دوسرے کے ساتھ مل کر کام کرنے کا عہد کیا۔
نائب وزیراعظم اسحاق ڈار اور آرمینیا کے وزیر خارجہ نے معیشت، تعلیم، ثقافت اور صحت کے شعبوں میں تعاون بڑھانے پر بھی غور کیا، تاکہ دونوں ممالک کے عوام کو براہ راست فائدہ پہنچ سکے۔
دونوں وزرائے خارجہ نے دو طرفہ اور ملٹی لیٹرل فورمز پر ایک دوسرے کے ساتھ قریبی تعاون کا عہد کیا۔
Advertisement
پاکستان اور آرمینیا کے درمیان یہ سفارتی تعلقات کا آغاز دونوں ممالک کے لیے نئے دور کی علامت بن سکتا ہے، جس میں دونوں ممالک مختلف شعبوں میں ایک دوسرے سے علمی، ثقافتی، اور اقتصادی تبادلے کو فروغ دینے کے لیے اپنے تعلقات کو مزید مستحکم کر سکتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
