فائنل سے پہلے فائنل: پاک بھارت ہائی وولٹیج ٹاکرا اتوار 21 ستمبر کو ہوگا

ویب ڈیسک

20th Sep, 2025. 11:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فائنل سے پہلے فائنل: پاک بھارت ہائی وولٹیج ٹاکرا اتوار 21 ستمبر کو ہوگا

دبئی: ایشیاکپ کی دو ہاٹ فیورٹ ٹیموں پاکستان اور بھارت کے درمیان ہائی وولٹیج ٹاکرا اتوار 21 ستمبر کو ہوگا۔

تفصیلات کے مطابق ایشیا کپ میں بھارت کے ہاتھوں عمان کی شکست کے بعد ایشیا کپ کے سپر فور مرحلے کا آغاز ہوگیا، اس سلسلے کا پہلا میچ آج 20 ستمبر کو دبئی میں بنگلا دیش اور سری لنکا کے درمیان کھیلا جائے گا۔

جس کے بعد ٹورنامنٹ کا ہاٹ فیورٹ مقابلہ جس کو فائنل سے پہلے فائنل بھی قرار دیا جارہا ہے، ٹورنامنٹ کی دو ہاٹ فیورٹ ٹیموں کے پاکستان اور بھارت کے درمیان دبئی میں کل 21 ستمبر بروز اتوار کو کھیلا جائے گا۔

ٹورنامنٹ کا فائنل 28 ستمبر کو دبئی میں کھیلا جائے گا جس میں سپر فور کی ٹاپ دو ٹیمیں آمنے سامنے ہوں گی۔

واضح رہے کہ اس سے قبل پاکستان اور بھارت کے درمیان ہونے والا ٹورنامنٹ کا اہم میچ ریفری اینڈی کرافٹ کے متنازعہ فیصلوں کے باعث شدید تناؤ کا شکار رہا اور ایک بار یہ امکان بھی پیدا ہوگیا تھا کہ شاید پاکستان ایشیا کپ کا ہی بائیکاٹ کردے، تاہم امپائر کی جانب سے معافی مانگے جانے کے بعد پاکستان نے ٹورنامنٹ کے بقایا میچز بھی کھیلنے کا فیصلہ کیا۔