کراچی، لانڈھی میں واٹر ٹینکر کی ٹکر سے ماں بیٹا جاں بحق، ایک زخمی

اسٹاف رپورٹر

15th Sep, 2025. 12:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی، لانڈھی میں واٹر ٹینکر کی ٹکر سے ماں بیٹا جاں بحق، ایک زخمی

کراچی میں واٹر ٹینکر کی ٹکر سے موٹرسائیکل سوار ماں اور بیٹا موقع پر جاں بحق جبکہ دوسرا بیٹا معمولی زخمی ہوگیا۔

بول نیوز کے مطابق کراچی کے علاقے لانڈھی اسپتال چورنگی کے قریب واٹر ٹینکر کی ٹکر سے افسوسناک حادثہ پیش آیا، جس میں موٹرسائیکل سوار ماں اور بیٹا موقع پر جاں بحق جبکہ دوسرا بیٹا معمولی زخمی ہوگیا۔

پولیس حکام کے مطابق جاں بحق خاتون کی شناخت رئیسہ اور بیٹے کی شناخت ارمان کے ناموں سے ہوئی ہے، جبکہ زخمی حسنین کا بیان بھی قلمبند کرلیا گیا ہے۔ حادثے کے وقت تینوں موٹرسائیکل پر سوار تھے اور ملازمت کے لیے فیکٹری جا رہے تھے۔

ریسکیو حکام نے بتایا کہ لاشوں کو ضابطے کی کارروائی کے لیے جناح اسپتال منتقل کر دیا گیا ہے۔ پولیس کے مطابق واٹر ٹینکر کا ڈرائیور موقع سے فرار ہوگیا جبکہ گاڑی تحویل میں لے لی گئی ہے۔

اعداد و شمار کے مطابق رواں سال کراچی میں ہیوی ٹریفک کے باعث جاں بحق ہونے والوں کی تعداد 195 تک پہنچ گئی ہے۔