شہباز شریف اور سعودی ولی عہد محمد بن سلمان کے درمیان ملاقات ہوئی،جس میں مسئلہ فلسطین پر بات ہوئی اور باہمی تعاون بڑھانے پر اتفاق کیاگیا۔ اس موقع پر پاک سعودیہ تاریخی دفاعی معاہدہ بھی طے پاگیا۔

دونوں رہنماؤں نے پاکستان اور سعودی عرب کے وفود کی موجودگی میں مذاکرات کا باضابطہ اجلاس منعقد کیا۔

ولی عہد و وزیرِاعظم سعودی عرب شہزادہ محمد بن سلمان بن عبدالعزیز آل سعود اور وزیرِاعظم محمد شہباز شریف نے پاکستان اور سعودی عرب کے مابین ’اسٹریٹجک باہمی دفاعی معاہدے‘  پر دستخط کیے۔

یہ معاہدہ جو دونوں ممالک کی اپنی سلامتی کو بڑھانے اور خطے اور دنیا میں سلامتی اور امن کے حصول کے لیے مشترکہ عزم کی عکاسی کرتا ہے۔

اس کا مقصد دونوں ممالک کے درمیان دفاعی تعاون کو فروغ دینا اور کسی بھی جارحیت کے خلاف مشترکہ دفاع و تحفظ کو مضبوط بنانا ہے۔

معاہدے میں کہا گیا ہے کہ کسی بھی ایک ملک کے خلاف کسی بھی جارحیت کو دونوں ملکوں کے خلاف جارحیت تصور کیا جائے گا۔

شہباز شریف نے اپنے اور پاکستانی وفد کے پرتپاک استقبال اور فراخدلی سے مہمان نوازی پر ولی عہد شہزادہ محمد بن سلمان بن عبدالعزیز آل سعود کا تہہ دل سے شکریہ ادا کیا۔

قصر یمامہ پہنچنے پر شہباز شریف کا شاندار استقبال

قبل ازیں وزیرِ اعظم شہباز شریف سعودی ولی عہد و وزیراعظم شہزادہ محمد بن سلمان سے ملاقات کے لیے سعودی شاہی دیوان، قصر یمامہ پہنچے۔ جہاں سعودی شاہی پروٹوکول کے ساتھ گھڑ سواروں نے ان استقبال کیا۔

شاہی دیوان پہنچنے پر سعودی ولی عہد و وزیراعظم شہزادہ محمد بن سلمان نے وزیراعظم کا استقبال کیا۔

وزیرِ اعظم کو سعودی مسلح افواج کے دستوں نے گارڈ آف آنر بھی پیش کیا گیا۔

Joint Statement on the State Visit of H.E. Muhammad Shehbaz Sharif, Prime Minister of the Islamic Republic of #Pakistan to the Kingdom of Saudi Arabia (KSA).

At the gracious invitation of His Royal Highness Prince Mohammed bin Salman bin Abdulaziz Al Saud, Crown Prince and Prime… pic.twitter.com/H6Xq0qw83w

— Pakistan Armed Forces News (@PakistanFauj) September 17, 2025

فیلڈ مارشل سید عاصم منیر اور وفاقی وزرا بھی ملاقات میں موجود تھے

ملاقات میں نائب وزیراعظم و وزیرِ خارجہ محمد اسحاق ڈار، فیلڈ مارشل سید عاصم منیر، وزیرِ دفاع خواجہ محمد آصف، وزیرِ خزانہ محمد اورنگزیب،  وزیرِ موسمیاتی تبدیلی ڈاکٹر مصدق ملک اور معاون خصوصی سید طارق فاطمی بھی شریک ہیں۔

Prime Minister is in Riyadh to hold talks with Saudi Crown Prince on bilateral relations, and regional and global developments@CMShehbaz @PakPMO @PakinSaudiArab @ForeignOfficePk @KSAmofaEN #RadioPakistan #PakistanSaudiPartnership https://t.co/gJ7jTI0Ufe pic.twitter.com/5svnx8Rfdk

— Radio Pakistan (@RadioPakistan) September 17, 2025

قبل ازیں کنگ خالد ایئر پورٹ ریاض پہنچنے پر ریاض کے نائب گورنر محمد بن عبد الرحمان بن عبد العزیز، پاکستان میں سعودی عرب کے سفیر نواف بن سعید المالکی، پاکستان کے سعودی عرب میں سفیر احمد فاروق اور اعلی سفارتی حکام نے وزیراعظم اور پاکستانی وفد کا پرتپاک استقبال کیا۔

Prime Minister of #Pakistan Muhammad Shehbaz Sharif visits Riyadh, Kingdom of Saudi Arabia (KSA).

The Prime Minister Muhammad Shehbaz Sharif arrived at the Saudi Royal Court, Qasr Al-Yamamah, to meet Saudi Crown Prince and Prime Minister Mohammed bin Salman.

Upon arrival at… pic.twitter.com/YbUjGU4bg4

Advertisement

— Pakistan Armed Forces News (@PakistanFauj) September 17, 2025