دریائے سندھ اور بیراجوں میں پانی کی صورتحال سے متعلق تازہ ترین اعداد و شمار جاری

ویب ڈیسک

18th Sep, 2025. 05:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دریائے سندھ اور بیراجوں میں پانی کی صورتحال سے متعلق تازہ ترین اعداد و شمار جاری

گڈو، سکھر، کوٹری اور پنجند بیراجوں پر پانی کی آمد و اخراج کی نگرانی جاری

محکمہ اطلاعات سندھ اور پراوِنشل رین اینڈ فلڈ ایمرجنسی مانیٹرنگ سیل، حکومت سندھ کی جانب سے دریاؤں اور بیراجوں میں پانی کی آمد و اخراج سے متعلق تازہ ترین اعداد و شمار جاری کر دیے گئے ہیں۔

محکمہ کے مطابق گڈو بیراج پر پانی میں کمی کا رجحان برقرار ہے، جہاں پانی کی آمد 4,85,185 کیوسک اور اخراج 4,56,964 کیوسک ریکارڈ کیا گیا ہے۔

سکھر بیراج کی صورتحال کے بارے میں بتایا گیا ہے کہ وہاں پانی کی آمد 5,47,505 کیوسک جبکہ اخراج 4,95,925 کیوسک ہے، جو کہ موجودہ موسم اور بارشوں کے تناظر میں معمول سے زیادہ ہے۔

کوٹری بیراج پر پانی کی آمد 3,06,053 کیوسک اور اخراج 2,89,098 کیوسک ریکارڈ کیا گیا ہے، جو کہ نچلے علاقوں میں ممکنہ دباؤ کا عندیہ دیتا ہے۔

اسی طرح پنجند کے مقام پر پانی کی آمد 1,44,650 کیوسک اور اخراج 1,33,850 کیوسک ریکارڈ کیا گیا ہے۔

محکمہ اطلاعات سندھ نے عوام سے اپیل کی ہے کہ وہ دریا کے کنارے غیر ضروری آمد و رفت سے گریز کریں اور ضلعی انتظامیہ کی ہدایات پر عمل کریں۔

حکومت سندھ کی تمام متعلقہ مشینری صورتِ حال پر مکمل نظر رکھے ہوئے ہے اور کسی بھی ہنگامی صورت میں فوری اقدامات کے لیے تیار ہے۔