جنرل ساحر شمشاد مرزا سے ترک فضائیہ کے کمانڈر کی ملاقات، دوطرفہ دفاعی تعاون مزید مضبوط بنانے پر اتفاق

ویب ڈیسک

04th Sep, 2025. 07:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

جنرل ساحر شمشاد مرزا سے ترک فضائیہ کے کمانڈر کی ملاقات، دوطرفہ دفاعی تعاون مزید مضبوط بنانے پر اتفاق
کورنگی میں کمرے کی چھت گرنے سے ڈیڑھ سالہ بچی جاں بحق ، ایک بچی اور 2 خواتین زخمی
شمالی وزیرستان و کرم میں پاک فوج کی بڑی کارروائی، 25 خوارج ہلاک، پانچ جوان شہید
مذاکرات کے دوران دراندازی ناقابل قبول ، سیکیورٹی ذرائع کا شدید ردعمل

Now Reading:

جنرل ساحر شمشاد مرزا سے ترک فضائیہ کے کمانڈر کی ملاقات، دوطرفہ دفاعی تعاون مزید مضبوط بنانے پر اتفاق

چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ترک فضائیہ کے کمانڈر جنرل ضیا جمال کادیوگلو نے جوائنٹ اسٹاف ہیڈکوارٹرز میں ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق ملاقات کے دوران پیشہ ورانہ دلچسپی کے امور، دفاعی تعاون اور عالمی و علاقائی جیو اسٹریٹجک صورتحال پر تفصیلی تبادلہ خیال کیا گیا۔

دونوں رہنماؤں نے امن و استحکام کے فروغ میں قریبی باہمی تعاون کی اہمیت پر زور دیا اور اس عزم کا اعادہ کیا کہ پاکستان اور ترکی کے درمیان آزمائشوں سے گزرنے والی اسٹریٹجک دوستی کو مزید مضبوط بنایا جائے گا۔

ملاقات میں دفاع اور سلامتی کے شعبوں میں دوطرفہ تعاون کو فروغ دینے پر بھی اتفاق کیا گیا۔

ترک فضائیہ کے کمانڈر جنرل ضیا جمال کادیوگلو نے پاک افواج کے اعلیٰ پیشہ ورانہ معیار کو سراہتے ہوئے دہشت گردی کے خلاف جنگ میں پاک افواج کی عظیم قربانیوں اور کامیابیوں کو خراجِ تحسین پیش کیا۔

انہوں نے خطے میں امن و استحکام کے لیے پاکستان کے مسلسل مثبت کردار کو بھی قابلِ قدر قرار دیا۔

جوائنٹ اسٹاف ہیڈکوارٹرز آمد پر معزز مہمان کو تینوں مسلح افواج کے چاق و چوبند دستے نے گارڈ آف آنر پیش کیا۔