حارث اور صاحبزادہ فرحان کیس میں تاخیر، چیئرمین پی سی بی کے تحفظات

ویب ڈیسک

28th Sep, 2025. 11:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حارث اور صاحبزادہ فرحان کیس میں تاخیر، چیئرمین پی سی بی کے تحفظات

کراچی: چیئرمین پی سی بی محسن نقوی نے پاکستانی کھلاڑیوں حارث رؤف اور صاحبزادہ فرحان کے خلاف سماعت مکمل ہونے کے باوجود فیصلہ نہ آنے پر شدید تحفظات کا اظہار کیا ہے۔

بول نیوز کے مطابق انٹرنیشنل کرکٹ کونسل (آئی سی سی) کی جانب سے پاکستانی کھلاڑیوں حارث رؤف اور صاحبزادہ فرحان کے خلاف سماعت مکمل ہونے کے باوجود فیصلہ تاحال سامنے نہیں آیا جس پر چیئرمین پی سی بی محسن نقوی نے شدید تحفظات کا اظہار کیا ہے۔

واضح رہے کہ آئی سی سی کی سماعت کو دو روز گزر چکے ہیں، تاہم فیصلے کا باضابطہ اعلان ابھی تک نہیں کیا گیا۔ گزشتہ روز ایک غیر ملکی کرکٹ ویب سائٹ نے دعویٰ کیا تھا کہ میچ ریفری نے حارث رؤف کو ضابطہ اخلاق کی خلاف ورزی کا مرتکب قرار دے کر ان پر میچ فیس کا 30 فیصد جرمانہ عائد کیا جبکہ صاحبزادہ فرحان کو صرف وارننگ دے کر معاملہ ختم کردیا گیا۔

فیصلے کے اعلان میں تاخیر پر چیئرمین پی سی بی محسن نقوی نے سوشل میڈیا پلیٹ فارم ایکس پر اپنے تحفظات کا اظہار کرتے ہوئے سوال اٹھایا کہ “آپ کو اپنا توازن قائم رکھنے کی وجوہات بیان کرنے میں اور کتنا وقت درکار ہے؟”

کرکٹ حلقوں میں بھی آئی سی سی کے فیصلے میں غیر معمولی تاخیر پر سوالات اٹھنے لگے ہیں۔