کیا 17 ارب ضائع ہو گئے؟ سکھر بیراج کے نئے گیٹوں میں خامیاں سامنے آگئیں

اسٹاف رپورٹر

18th Sep, 2025. 10:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا 17 ارب ضائع ہو گئے؟ سکھر بیراج کے نئے گیٹوں میں خامیاں سامنے آگئیں

سکھر: تاریخی سکھر بیراج کی مرمت اور تعمیرِ نو پر 17 ارب روپے کی لاگت سے کام جاری ہے, تاہم بیراج کے نئے گیٹوں میں نقائص سامنے آرہے ہیں۔

بول نیوز کے مطابق تاریخی سکھر بیراج کی مرمت اور تعمیرِ نو پر 17 ارب روپے کی لاگت سے کام جاری ہے۔ مرمت کے دوران نصب کیے گئے 16 نئے گیٹوں میں پہلے ہی زنگ لگنے کے آثار سامنے آگئے ہیں۔

ذرائع کے مطابق بیراج میں لگائے گئے گیٹوں کے نٹ بولٹس، رولر اور وہیل پر زنگ لگنے کی نشاندہی پروجیکٹ انتظامیہ اور اعلیٰ افسران نے کر دی ہے۔ سپریٹنڈنٹ انجینئر سکھر بیراج نے اس حوالے سے مرمت کا کام کرنے والی کمپنی کو خط بھی لکھا ہے جبکہ غیر ملکی کمپنی کے انجینئرز نے گیٹوں کا معائنہ بھی کیا ہے۔

ڈپٹی ڈائریکٹر ٹیکنیکل سندھ بیراجز امپرومنٹ پروجیکٹ عبدالفتاح میمن نے کہا ہے کہ نئے گیٹ درست طور پر کام کر رہے ہیں، صرف نٹ بولٹس میں زنگ اور چند مائنر مسائل ہیں جن سے کمپنی کو آگاہ کیا جا چکا ہے۔ ان کا کہنا تھا کہ نئے گیٹوں کو کوئی خطرہ نہیں اور ان کی جانچ پڑتال جاری ہے۔