وزیراعظم پاکستان شہباز شریف برطانیہ کے چار روزہ سرکاری دورے پر لندن پہنچ گئے ہیں۔
وزیراعظم کا طیارہ لوٹن ایئرپورٹ پر اترا جہاں پاکستانی ہائی کمیشن کے حکام اور مقامی رہنماؤں نے ان کا استقبال کیا۔
ذرائع کے مطابق، لندن آمد سے قبل وزیراعظم شہباز شریف نے سوئٹزرلینڈ کے شہر جینیوا میں مختصر قیام کیا، جہاں انہوں نے سابق وزیراعظم نواز شریف کی عیادت کی۔
نواز شریف ان دنوں علاج کی غرض سے جینیوا میں قیام پذیر ہیں، جبکہ قریبی ذرائع کا کہنا ہے کہ نواز شریف آئندہ چند روز میں لندن واپس آ سکتے ہیں۔
وزیراعظم کے ہمراہ وفد میں وفاقی وزیر خزانہ اسحاق ڈار، وزیر دفاع خواجہ آصف، اور معاونِ خصوصی عطا تارڑ بھی شامل ہیں۔
Advertisement
وفد کے ارکان دورے کے دوران وزیراعظم کے ساتھ مختلف سیاسی، سفارتی اور اقتصادی ملاقاتوں میں شریک ہوں گے۔
ذرائع کے مطابق وزیراعظم لندن میں برطانوی حکام، تاجروں اور پاکستانی کمیونٹی سے ملاقاتیں کریں گے، جن میں دو طرفہ تعلقات، سرمایہ کاری، اور تجارتی تعاون کو فروغ دینے کے امکانات پر بات چیت متوقع ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
