برطانیہ اور امریکا کے تعلقات خاندانی رشتے جیسے ہیں، شاہ چارلس

ویب ڈیسک

18th Sep, 2025. 01:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ اور امریکا کے تعلقات خاندانی رشتے جیسے ہیں، شاہ چارلس

لندن: برطانیہ کے بادشاہ چارلس سوم نے کہا ہے کہ امریکا اور برطانیہ کے درمیان تعلقات نہ صرف تاریخی اور مضبوط ہیں بلکہ وہ ایک “قریبی خاندانی رشتے” جیسے ہیں۔

شاہ چارلس نے لندن میں امریکی صدر ڈونلڈ ٹرمپ کے اعزاز میں دیے گئے عشائیے سے خطاب کرتے ہوئے کہا کہ دونوں ممالک کے تعلقات صدیوں پر محیط ہیں اور آج یہ تعلقات دفاع، سلامتی اور انٹیلیجنس کے شعبوں میں “تاریخ کے سب سے قریبی” ہیں۔

انہوں نے کہا کہ آج جب دنیا کو دوبارہ ظلم و جبر اور جارحیت کے خطرے کا سامنا ہے تو برطانیہ اور امریکا اپنے اتحادیوں کے ساتھ مل کر یوکرین کی حمایت کے لیے کھڑے ہیں۔ شاہ چارلس کے مطابق، یہ اتحاد امن کے قیام اور جارحیت کو روکنے کے لیے بے حد ضروری ہے۔

شاہ چارلس نے مزید کہا کہ امریکا اور برطانیہ کے درمیان نہ صرف مشترکہ اقدار ہیں بلکہ عالمی چیلنجز سے نمٹنے کے لیے مشترکہ عزم بھی ہے۔ انہوں نے زور دیا کہ دونوں ممالک کے تعلقات عالمی سطح پر امن، استحکام اور خوشحالی کے لیے اہم کردار ادا کر رہے ہیں۔

صدر ڈونلڈ ٹرمپ نے بھی اس موقع پر امریکا اور برطانیہ کی شراکت داری کو سراہتے ہوئے کہا کہ دونوں ممالک ایک دوسرے کے “قابلِ اعتماد دوست” ہیں اور عالمی امن کے قیام میں ایک دوسرے کا ساتھ دیتے رہیں گے۔