ایشیا کپ 2025 کے چوتھے میچ میں پاکستان نے عمان کو 93 رنز سے شکست دے دی۔

عمان کی پوری ٹیم 161 رنز کے تعاقب میں 16.4 اوورز میں 67 رنز بنا کر آؤٹ ہو گئی۔

عمان کی جانب سے عامر کلیم نے 13 اور حماد مرزا نے 27 رنز بنائے ان دونوں بیٹرز کے علاوہ کوئی بھی بیٹسمین ڈبل فیگر میں داخل نہیں ہو سکا۔

پاکستان کی جانب سے صائم ایوب، صفیان مقیم اور فہیم اشرف نے 2،2 کھلاڑیوں کو آؤٹ کیا، جبکہ شاہین شاہ آفریدی، ابرار احمد اور محمد نواز نے ایک ایک وکٹ حاصل کی۔

ایشیا کپ 2025 کے چوتھے میچ میں پاکستان نے جیت کے لیے عمان کو 161 رنز کا ہدف دے دیا۔

اس سے قبل دبئی انٹرنیشنل کرکٹ اسٹیڈیم میں ہونے والے ایشیا کپ 2025 گروپ اے کے میچ میں پاکستان نے عمان کے خلاف ٹاس جیت کر پہلے بیٹنگ کا فیصلہ کیا ہے۔

پاکستان نے مقررہ 20 اوورز میں 7 وکٹوں کے نقصان پر 160 رنز بنائے۔

پاکستان کی جانب سے محمد حارث سب سے نمایاں بیٹسمین تھے جنہوں نے 66 رنز کی عمدہ اننگ کھیلی۔

صاحبزادہ فرحان نے 29، حسن نواز 9، محمد نواز 19 اور فہیم اشرف نے 8 رنز بنائے جبکہ فخر زمان 23 رنز پر ناٹ آوٹ رہے۔

عمان کی جانب سے شاہ فیصل اور عامر کلیم نے 3،3 کھلاڑیوں کو آؤٹ کیا، جبکہ محمد ندیم نے ایک وکٹ حاصل کی۔

گرین شرٹس کے کپتان سلمان علی آغا نے کہا کہ کوشش کریں گے کہ بڑا اسکور کر کے دباؤ ڈالیں، انہوں نے مزید کہا کہ کچھ وقت سے بہت اچھی کرکٹ کھیل رہے ہیں۔

عمان کے کپتان جتیندر سنگھ کا کہنا تھا کہ ٹاس جیت جاتے تو پہلے بیٹنگ کا فیصلہ کرتے، ان کا کہنا تھا کہ ایشیا کپ عمان کے لیے تاریخی لمحہ ہے۔

پاکستان اسکواڈ: صاحبزادہ فرحان، صائم ایوب، محمد حارث، فخر زمان، سلمان آغا (کپتان)، حسن نواز، محمد نواز، فہیم اشرف، شاہین شاہ آفریدی، سفیان مقیم، ابرار احمد

عمان اسکواڈ: جتیندر سنگھ (کپتان)، عامر کلیم، حماد مرزا، وینائک شکلا، حسنین شاہ، شاہ فیصل، محمد ندیم، زکریا اسلام، سفیان محمود، شکیل احمد، سمے شری واستو