جنوبی افریقہ نے دورہ پاکستان کے لیے تینوں فارمیٹ کے اسکواڈ کا اعلان کردیا۔

جنوبی افریقہ کرکٹ ٹیم نے دورہ پاکستان کے لیے اسکواڈز اور قیادت کا اعلان کیا ہے۔ دورے میں مہمان ٹیم 2 ٹیسٹ، 3 ون ڈے اور 3 ٹی ٹوئنٹی میچز کھیلے گی۔

ٹی ٹوئنٹی اسکواڈ کی قیادت ڈیوڈ ملر کریں گے جب کہ ون ڈے ٹیم کی کپتانی میتھیو بریٹزکی اور ٹیسٹ ٹیم کی کمان ایڈن مارکرم کے سپرد کی گئی ہے۔

Advertisement

The South African Men’s selection panel has named the squads for the upcoming all-format tour of Pakistan as well as the one-off T20 International (T20I) against Namibia.

The Proteas will begin their defence of the ICC World Test Championship Mace with a two-match Test series… pic.twitter.com/0jOOgSpsCv

— Proteas Men (@ProteasMenCSA) September 22, 2025

ٹیسٹ ٹیم کے مستقل کپتان ٹیمبا باووما پنڈلی میں انجری کے باعث سیریز سے باہر ہوگئے ہیں۔ وکٹ کیپر بیٹر کوئنٹن ڈی کاک کو ون ڈے اور ٹی ٹوئنٹی اسکواڈز میں شامل کر لیا گیا ہے۔

انہوں نے ورلڈکپ 2023 کے بعد ون ڈے کرکٹ سے ریٹائرمنٹ لے لی تھی تاہم اس سیریز کے لیے ریٹائرمنٹ واپس لے لی ہے۔

میچز کا شیڈول

پہلا ٹیسٹ میچ 12 اکتوبر سے لاہور میں شروع ہوگا، سیریز کے دیگر میچز راولپنڈی اور فیصل آباد میں شیڈول ہیں۔ تین ون ڈے میچز 4،6 اور 8 نومبر کو فیصل آباد میں کھیلے جائیں گے۔

یہ سیریز پاکستان کرکٹ کے لیے ایک بڑا ایونٹ قرار دی جا رہی ہے جب کہ شائقین کرکٹ بھی بڑے جوش و خروش سے میچز کے منتظر ہیں۔