ورلڈ ایتھلیٹکس چیمپئن شپ: ارشد ندیم فائنل میں میڈل حاصل نہ کرسکے

ویب ڈیسک

18th Sep, 2025. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ورلڈ ایتھلیٹکس چیمپئن شپ: ارشد ندیم فائنل میں میڈل حاصل نہ کرسکے

ٹوکیو: ورلڈ ایتھلیٹکس چیمپئن شپ میں جیولن تھرو کے فائنل مقابلے میں پاکستان کے ارشد ندیم عمدہ کوششوں کے باوجود میڈل کی دوڑ سے باہر ہوگئے۔

تفصیلات کے مطابق ارشد ندیم نے پہلی تھرو میں 82.73 میٹر کا فاصلہ طے کیا جس پر انہیں ساتواں نمبر ملا۔ دوسری باری میں ان کی تھرو فاؤل قرار پائی۔ تیسری کوشش میں انہوں نے معمولی بہتری کے ساتھ 82.75 میٹر تھرو کیا، تاہم چوتھی کوشش بھی فاؤل رہی، جس کے باعث وہ اگلے مرحلے میں جگہ نہ بنا سکے۔

دوسری جانب بھارت کے نیرج چوپڑا نے پہلی ہی تھرو میں 83.65 میٹر کا فاصلہ طے کیا جبکہ ان کے ہم وطن سچن یادیو نے شاندار کارکردگی دکھاتے ہوئے 86.29 میٹر کی تھرو پھینکی۔

فائنل میں اسٹارٹ لسٹ کے مطابق ارشد ندیم تیسرے نمبر پر میدان میں اترے۔ ان سے قبل جرمنی کے جیولن ویبر اور گریناڈا کے اینڈرسن پیٹرز نے اپنی تھروز کیں۔

یاد رہے کہ گروپ بی کے کوالیفائنگ راؤنڈ میں ارشد ندیم نے 85.28 میٹر کی تھرو کرتے ہوئے براہِ راست فائنل کے لیے کوالیفائی کیا تھا۔