معروف کرکٹ امپائر 92 سال کی عمر میں چل بسے

ویب ڈیسک

23rd Sep, 2025. 05:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف کرکٹ امپائر 92 سال کی عمر میں چل بسے

لندن: کرکٹ کی دنیا کے مشہور اور مانے ہوئے امپائر ہیرولڈ ڈکی برڈ 92 سال کی عمر میں چل بسے، ان کی موت کی تصدیق یارکشائر کاؤنٹی کرکٹ کلب نے کی۔

برڈ نے 1973 سے 1996 تک 66 ٹیسٹ میچز اور 69 ون ڈے انٹرنیشنل میچز میں امپائرنگ کی، جن میں تین ورلڈ کپ فائنلز بھی شامل تھے۔ اپنے دور کے سب سے نمایاں امپائر کی حیثیت سے وہ دنیا بھر کے کھلاڑیوں اور شائقین میں یکساں طور پر مقبول رہے۔

وہ بارنسلے، یارکشائر میں پیدا ہوئے اور یارکشائر و لیسٹر شائر کے لیے فرسٹ کلاس کرکٹر کے طور پر بھی کھیلے، مگر ایک انجری نے ان کا کیرئیر مختصر کر دیا۔ بعد ازاں انہوں نے امپائر کے طور پر وہ مقام حاصل کیا جس نے انہیں کرکٹ کی تاریخ کا سب سے مشہور اور پسندیدہ آفیشل بنا دیا۔

یارکشائر کاؤنٹی کلب نے اپنے بیان میں گہرے دکھ کا اظہار کرتے ہوئے کہا کہ ڈکی برڈ کلب کی تاریخ کے عظیم ترین کرداروں میں سے ایک تھے اور وہ ہمیشہ یاد رکھے جائیں گے۔

یارکشائر کے چیئرمین کولن گریوز نے کہا یہ ایک افسوسناک دن ہے، وہ ایک شاندار شخصیت تھے، جو یارکشائر کا حصہ بننے پر فخر محسوس کرتے تھے۔ انہیں ہیڈنگلے میں ہمیشہ یاد کیا جائے گا۔