موبائل ڈیٹا لیکیج پر وزیرداخلہ کا نوٹس، متعدد ویب سائٹس بلاک

ویب ڈیسک

08th Sep, 2025. 10:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موبائل ڈیٹا لیکیج پر وزیرداخلہ کا نوٹس، متعدد ویب سائٹس بلاک

ملک میں موبائل صارفین کا حساس ڈیٹا لیک ہونے کے سنگین معاملے پر وزیرداخلہ کے نوٹس کے بعد فوری ایکشن لے لیا گیا۔

ذرائع کے مطابق موبائل ڈیٹا فراہم کرنے والی متعدد ویب سائٹس کو بلاک کر دیا گیا ہے، جن کے لنکس اب ڈاؤن مل رہے ہیں۔

ذرائع کا کہنا ہے کہ وزیرِ داخلہ کی ہدایت پر سات رکنی خصوصی انویسٹی گیشن ٹیم تشکیل دے دی گئی ہے جس کا نوٹیفکیشن بھی جاری کر دیا گیا ہے۔ ٹیم کی سربراہی ایڈیشنل ڈائریکٹر نیشنل سائبر کرائم انویسٹی گیشن ایجنسی (NCCIA) کریں گے۔

تحقیقات میں معاونت کے لیے ڈپٹی ڈائریکٹر نیٹ ورک سیکیورٹی، این سی سی آئی ہیڈکوارٹر، اسسٹنٹ ڈائریکٹر سی سی آر سی، اسسٹنٹ ڈائریکٹر فارنزک، انسپکٹر انویسٹی گیشن اور ٹیکنیکل اسسٹنٹ سائبر کرائم کو ٹیم کا حصہ بنایا گیا ہے۔

نوٹیفکیشن کے مطابق خصوصی تحقیقاتی ٹیم کسی بھی ادارے یا ایجنسی کے ایک نمائندے کو شامل کرنے کی مجاز ہوگی، تاکہ معاملے کی مکمل اور شفاف چھان بین کی جا سکے۔

مزید بتایا گیا ہے کہ خصوصی ٹیم کی رپورٹ کی روشنی میں موبائل ڈیٹا لیکیج میں ملوث عناصر کے خلاف پیکا قانون (Prevention of Electronic Crimes Act) کے تحت قانونی کارروائی عمل میں لائی جائے گی۔