کراچی: بحیرہ عرب میں ڈپریشن کی تشکیل ہوچکی ہے، جس کے بعد کراچی میں تیز خشک ہواؤں کے چلنے کا امکان ظاہر کیا جارہا ہے۔
محکمہ موسمیات کے مطابق بحیرہ عرب میں ڈپریشن تشکیل پا گیا ہے، تاہم پاکستان کی ساحلی پٹی کے لیے فی الحال کسی خطرے کی پیشگوئی نہیں کی گئی۔
شہرِ قائد میں آج شمال مشرقی سمت سے تیز خشک ہوائیں چلنے کا امکان ہے جن کی رفتار 25 سے 35 کلومیٹر فی گھنٹہ جبکہ جھکڑوں کی رفتار 40 سے 45 کلومیٹر فی گھنٹہ تک رہنے کا امکان ہے۔
خشک ہواؤں کے باعث فضا میں نمی کا تناسب 42 فیصد ریکارڈ کیا گیا۔
محکمہ موسمیات کے مطابق آج کراچی میں کم سے کم درجہ حرارت 25 جبکہ زیادہ سے زیادہ درجہ حرارت 35 سے 37 ڈگری سینٹی گریڈ رہنے کا امکان ہے۔ آئندہ ہفتے تک شہر میں بارش کا کوئی امکان نہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
