بھارت، ہماچل پردیش میں مسافر بس لینڈ سلائیڈنگ کی زد میں آ گئی، 15 افراد ہلاک

ویب ڈیسک

08th Oct, 2025. 07:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت، ہماچل پردیش میں مسافر بس لینڈ سلائیڈنگ کی زد میں آ گئی، 15 افراد ہلاک

بھارت میں قدرتی آفت نے ایک اور قیمتی انسانی سانحے کو جنم دے دیا۔ ریاست ہماچل پردیش کے ضلع بلاسپور میں لینڈ سلائیڈنگ کے نتیجے میں ایک مسافر بس مٹی اور چٹانوں کے تودے تلے دب گئی۔

حادثے کے نتیجے میں 15 افراد کی جانیں چلی گئیں جبکہ متعدد اب بھی ملبے تلے دبے ہونے کا خدشہ ہے۔

بھارتی میڈیا رپورٹس کے مطابق یہ بس مروٹن سے گھومروئن جا رہی تھی اور اس میں 30 سے 35 کے قریب مسافر سوار تھے۔ حادثہ رات گئے پیش آیا جب اچانک پہاڑوں سے چٹانیں اور مٹی نیچے آ گریں اور بس مکمل طور پر لپیٹ میں آ گئی۔

ریسکیو اداروں نے فوری طور پر کارروائی کرتے ہوئے اب تک 15 لاشیں نکال لی ہیں جبکہ 4 افراد کو زندہ بچا لیا گیا ہے، جن میں ایک کمسن بچہ بھی شامل ہے۔

تاہم خراب موسم، بارش اور دشوار گزار پہاڑی راستے امدادی کارروائیوں میں رکاوٹ بنے ہوئے ہیں۔

ریاستی وزیراعلیٰ نے ریسکیو اداروں کو فوری طور پر کارروائیاں تیز کرنے کی ہدایت جاری کی ہے۔

بھارتی وزیراعظم نریندر مودی نے بھی حادثے پر افسوس کا اظہار کیا اور جاں بحق افراد کے لواحقین کے لیے فی کس 2 لاکھ روپے معاوضے کا اعلان کیا ہے۔