کراچی: 9 ماہ 10 روز میں ٹریفک حادثات میں 665 افراد جاں بحق، 10 ہزار سے زائد زخمی

اسٹاف رپورٹر

11th Oct, 2025. 03:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: 9 ماہ 10 روز میں ٹریفک حادثات میں 665 افراد جاں بحق، 10 ہزار سے زائد زخمی

کراچی: شہر قائد میں گزشتہ 9 ماہ اور 10 دنوں کے دوران 665 افراد ٹریفک حادثات میں زندگی کی بازی ہار گئے۔

ریسکیو اداروں کی رپورٹس کے مطابق شہر قائد میں گزشتہ 9 ماہ اور 10 دنوں کے دوران 665 افراد ٹریفک حادثات میں زندگی کی بازی ہار گئے، جبکہ خواتین اور بچوں سمیت 10 ہزار 40 افراد زخمی بھی ہوئے ہیں۔

رپورٹس کے مطابق ہیوی ٹریفک کی زد میں آ کر جاں بحق افراد کی تعداد 200 تک جا پہنچی، جبکہ مجموعی طور پر 513 مرد، 70 خواتین اور 82 بچے مختلف ٹریفک حادثات میں اپنی جان سے ہاتھ دھو بیٹھے ہیں۔

اعداد و شمار کے مطابق بسوں سے 26، منی بسوں سے 11، کوچز سے 6، ٹریلرز سے 75، مزدا ٹرک سے 17، ڈمپرز سے 36، واٹر ٹینکرز سے 45 اور آئل ٹینکرز سے 6 افراد اپنی جان سے ہاتھ دھو بیٹھے۔

حکام کے مطابق حادثات میں سب سے زیادہ متاثرہ طبقہ موٹر سائیکل سواروں کا ہے، اس کے بعد پیدل چلنے والے اور دیگر گاڑیوں کے مسافر سب سے زیادہ حادثات کا شکار ہوئے ہیں۔