پاک فوج کی زیرِ اہتمام شمالی وزیرستان میں ٹی 20 کرکٹ لیگ کا کامیاب انعقاد

ویب ڈیسک

31st Oct, 2025. 04:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فوج کی زیرِ اہتمام شمالی وزیرستان میں ٹی 20 کرکٹ لیگ کا کامیاب انعقاد

شمالی وزیرستان کے یونس خان اسٹیڈیم میران شاہ میں پاک فوج کے زیرِ اہتمام ٹی 20 کرکٹ لیگ کا فائنل میچ منعقد ہوا جس میں خیبر پختونخواہ کی 16 ٹیموں نے حصہ لیا۔

اس شاندار تقریب میں قومی کرکٹ ٹیم کے سابق کپتان شاہد آفریدی مہمانِ خصوصی تھے۔

شاہد آفریدی نے اس موقع پر پاک فوج کی کوششوں کی تعریف کرتے ہوئے کہا کہ پاک فوج بچوں کو سرگرم رکھ کر ان کا ٹیلنٹ پروان چڑھا رہی ہے۔

تعلیم اور کھیل نوجوان نسل کے لئے بہت اہم ہیں، اور پاک فوج اس کردار کو احسن طریقے سے نبھا رہی ہے۔

انہوں نے مزید کہا کہ میں امید کرتا ہوں کہ ابھرتے ہوئے ٹیلنٹ کو ضائع نہیں ہونے دیا جائے گا، اور حکومت سے درخواست ہے کہ فٹبال، کرکٹ کیمپس اور وکیشنل ٹریننگ سینٹرز قائم کئے جائیں۔

کرکٹ لیگ میں باجوڑ کی ٹیم نے شاندار کارکردگی کا مظاہرہ کرتے ہوئے فاتح ہونے کا اعزاز حاصل کیا۔ شاہد آفریدی نے کھلاڑیوں اور ٹیموں میں انعامات تقسیم کیے اور کھیل کے اعلیٰ معیار کو سراہا۔

اس کامیاب کرکٹ لیگ کے انعقاد پر عوام نے پاک فوج اور ضلعی انتظامیہ کی کاوشوں کو سراہتے ہوئے ان کا شکریہ ادا کیا۔