فاطمہ ثنا کو شاداب کی طرح گگلی کرنے کا مشورہ کس نے اور کیوں دیا؟

ویب ڈیسک

05th Oct, 2025. 11:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فاطمہ ثنا کو شاداب کی طرح گگلی کرنے کا مشورہ کس نے اور کیوں دیا؟

پاکستان کی ویمن ٹیم کی کپتان اور فاسٹ بولر فاطمہ ثنا نے اپنے کیریئر کے دوران پیش آنے والے دلچسپ واقعات سے پردہ اٹھا دیا۔

ویمن کرکٹر فاطمہ ثنا نے حال ہی میں نجی ٹی وی کے پروگرام میں شرکت کی اور اپنے کیریئر کے دوران پیش آئے دلچسپ واقعے سے متعلق اظہار خیال کرتے ہوئے وکٹیں نہ ملنے پر ملنے والے اہم مشورے سے متعلق شائقین کو تفصیلات سے آگاہ کردیا۔

انہوں نے بتایا کہ میری پرفارمنس اچھی نہیں تھی وکٹیں نہیں مل رہی تھیں تو والدہ نے کہا کہ شاداب خان کو گگلی پر وکٹیں مل رہی ہیں تم بھی گگلی ہی کرو۔

فاطمہ ثنا نے کہا کہ والدہ کو بتایا کہ میں فاسٹ بولر ہوں میں شاہین آفریدی اور حارث رؤف کی طرح ہوں، فاسٹ بولر بھاگ کر آتے ہیں پھر گیند کرتے ہیں اور شاداب خان کھڑے کھڑے بولنگ کرتے ہیں۔

واضح رہے کہ پاکستان کی ویمن ٹیم ان دنوں ورلڈ کپ کھیلنے کے لیے سری لنکا میں موجود ہے اور پہلے میں گرین شرٹس کو بنگلادیش سے شکست ہوئی۔

قومی ویمن ٹیم میگا ایونٹ میں اپنا دوسرا میچ کل بھارت سے کھیلے گی جبکہ پاکستان ٹیم کا تربیتی سیشن کولمبو میں بارش کی وجہ سے منسوخ ہوگیا ۔

کولمبو میں بارش کی وجہ سے آج آسٹریلیا اور سری لنکا کا میچ بھی منسوخ ہوگیا اور دونوں ٹیموں کو ایک، ایک پوائنٹ دیا گیا ہے۔