سکھر: پولیس کے مختلف مقابلے، تین ڈاکو زخمی حالت میں گرفتار، اسلحہ اور موٹرسائیکل برآمد

اسٹاف رپورٹر

06th Oct, 2025. 11:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سکھر: پولیس کے مختلف مقابلے، تین ڈاکو زخمی حالت میں گرفتار، اسلحہ اور موٹرسائیکل برآمد

سکھر: سکھر پولیس نے ڈاکوؤں اور جرائم پیشہ افراد کے خلاف کارروائیاں تیز کرتے ہوئے مختلف علاقوں میں تین الگ الگ مقابلوں کے دوران تین ڈاکوؤں کو زخمی حالت میں گرفتار کرلیا۔

پولیس ترجمان کے مطابق گرفتار ملزمان کے قبضے سے اسلحہ اور چھینی گئی موٹرسائیکل بھی برآمد کرلی گئی۔ پہلا پولیس مقابلہ تھانہ باگڑجی کی حدود میں پیش آیا جہاں مسلح ڈاکو واردات کی نیت سے لنک روڈ پر موجود تھے۔ گشت پر مامور پولیس پارٹی کے پہنچنے پر ڈاکوؤں نے فائرنگ شروع کر دی، جوابی کارروائی میں ایک ڈاکو علی مراد شر زخمی حالت میں گرفتار ہوا۔

دوسرا مقابلہ پنوعاقل کے علاقے پیرواہ پل پر ہوا جہاں تین ڈاکو واردات کی تیاری میں موجود تھے۔ پولیس کی ناکہ بندی پر ڈاکوؤں نے فائرنگ کی، تاہم پولیس کی جوابی کارروائی میں ایک ڈاکو ندیم چاچڑ زخمی حالت میں گرفتار کرلیا گیا۔

تیسرا پولیس مقابلہ بندر روڈ پر ہوا، جہاں پولیس نے کارروائی کرتے ہوئے ایک اور ڈاکو عمران کلہوڑو کو زخمی حالت میں گرفتار کیا۔

پولیس ترجمان کا کہنا ہے کہ فرار ہونے والے دیگر ڈاکوؤں کی تلاش جاری ہے اور ان کے خلاف بھی سخت کارروائی عمل میں لائی جائے گی۔