واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان

ویب ڈیسک

27th Oct, 2025. 05:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

واپڈا کا حب کینال 48 گھنٹے بند رکھنے کا فیصلہ، شہر قائد میں پانی کی فراہمی معطل رہنے کا امکان

واپڈا حکام نے حب کینال کو مرمتی کاموں اور تفصیلی سروے کے لیے 48 گھنٹے کے لیے بند رکھنے کا فیصلہ کیا ہے۔

واپڈا ترجمان کے مطابق یہ بندش 28 اکتوبر سے 29 اکتوبر 2025 تک جاری رہے گی۔

ترجمان واپڈا نے بتایا کہ پروجیکٹ ڈائریکٹر حب ڈیم نے اس حوالے سے کراچی واٹر کارپوریشن کے حکام کو تفصیلی طور پر آگاہ کردیا ہے، جب کہ باضابطہ مراسلہ ارسال کرکے حب کینال کی بندش کا شیڈول بھی فراہم کردیا گیا ہے۔

واپڈا کے مراسلے کے مطابق یہ بندش حب ڈیم سے ایکس ریگولیٹر تک مرمتی و بحالی کے کاموں کی انجام دہی کے لیے ضروری ہے۔

ترجمان کراچی واٹر کارپوریشن نے کہا کہ حب کینال کی بندش کے دوران ضلع غربی، ضلع کیماڑی اور ضلع وسطی کے مختلف علاقوں میں پانی کی فراہمی عارضی طور پر متاثر رہے گی۔

واٹر کارپوریشن نے شہریوں سے اپیل کی ہے کہ وہ اس دوران پانی کے استعمال میں احتیاط برتیں تاکہ کسی قسم کی دشواری کا سامنا نہ ہو۔

ترجمان کے مطابق پانی کی فراہمی معمول کے مطابق بحال ہوتے ہی شہریوں کو فوری طور پر آگاہ کر دیا جائے گا۔