وزیر اعظم اور صدر مملکت کی بڑی بیٹھک؛ آزاد کشمیر میں ممکنہ سیاسی تبدیلیوں پر اہم گفتگو

ویب ڈیسک

30th Oct, 2025. 10:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم اور صدر مملکت کی بڑی بیٹھک؛ آزاد کشمیر میں ممکنہ سیاسی تبدیلیوں پر اہم گفتگو

اسلام آباد: ایوانِ صدر میں وزیر اعظم شہباز شریف اور صدرِ مملکت آصف علی زرداری کے درمیان اہم ملاقات اختتام پذیر ہوگئی جس دوران آزاد کشمیر میں ممکنہ سیاسی تبدیلیوں پر گفتگو ہوئی۔

ذرائع کے مطابق اسلام آباد میں گزشتہ چند دنوں سے سیاسی سرگرمیوں میں غیر معمولی تیزی دیکھنے میں آ رہی ہے جس کے تناظر میں آج ایوانِ صدر میں یہ اہم بیٹھک منعقد ہوئی۔

ذرائع کا کہنا ہے کہ ملاقات خوشگوار ماحول میں ہوئی اور اس میں ملکی سیاسی صورتِ حال، آئندہ کی حکمتِ عملی اور پاور شیئرنگ فارمولا پر تفصیلی تبادلۂ خیال کیا گیا۔

ذرائع نے بتایا کہ ملاقات میں چیئرمین پیپلز پارٹی بلاول بھٹو زرداری اور وفاقی وزیر داخلہ محسن نقوی بھی شریک تھے۔

ذرائع نے یہ بھی بتایا کہ اجلاس کے دوران اتحادی قیادت نے حکومتی معاملات میں باہمی مشاورت کے فروغ اور سیاسی استحکام کے لیے مربوط اقدامات پر اتفاق کیا۔

ذرائع کا مزید کہنا ہے کہ وزیراعظم شہباز شریف ملاقات مکمل ہونے کے بعد ایوانِ صدر سے وزیراعظم ہاؤس روانہ ہوگئے۔