پاکستان اسٹاک ایکسچینج میں شدید مندی، 100 انڈیکس 1,732 پوائنٹس گر گیا

ویب ڈیسک

30th Oct, 2025. 04:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اسٹاک ایکسچینج میں شدید مندی، 100 انڈیکس 1,732 پوائنٹس گر گیا

پاکستان اسٹاک ایکسچینج میں جمعرات کے روز شدید مندی دیکھی گئی، جہاں مالیاتی نتائج توقعات کے برخلاف آنے پر سرمایہ کاروں نے فروخت کو ترجیح دی۔

کاروبار کے اختتام پر کے ایس ای 100 انڈیکس 1,732 پوائنٹس کی بھاری کمی کے بعد 1,56,732 پوائنٹس پر بند ہوا۔

کاروباری سیشن کے دوران انڈیکس 1,56,327 پوائنٹس کی کم ترین سطح تک گر گیا، جبکہ مارکیٹ 1,58,000 اور 1,57,000 کی دو نفسیاتی حدیں برقرار رکھنے میں ناکام رہی۔

مارکیٹ میں مجموعی طور پر 474 کمپنیوں کے شیئرز کا لین دین ہوا، جن میں سے 147 کے حصص کی قیمت میں اضافہ، 293 میں کمی اور 34 مستحکم رہیں۔

دن بھر کے دوران تقریباً 37 کروڑ حصص کا کاروبار ہوا، جن کی مالیت 28 ارب روپے رہی۔

گزشتہ روز مارکیٹ 1,58,466 پوائنٹس پر بند ہوئی تھی۔ ماہرین کے مطابق مختلف کمپنیوں کے مالیاتی نتائج سرمایہ کاروں کی توقعات پر پورا نہ اترنے کے باعث مارکیٹ میں فروخت کا دباؤ بڑھا، جس سے انڈیکس میں نمایاں گراوٹ ریکارڈ کی گئی۔