پاک افغان بارڈر پر مادر وطن کے شہید 12 جوانوں کی نماز جنازہ ادا کر دی گئی

ویب ڈیسک

13th Oct, 2025. 08:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک افغان بارڈر پر مادر وطن کے شہید 12 جوانوں کی نماز جنازہ ادا کر دی گئی

پاک افغان سرحد پر افغان عبوری حکومت کے بلا اشتعال اور بزدلانہ حملے کے خلاف مادرِ وطن کا دفاع کرتے ہوئے شہید ہونے والے 12 جوانوں کی نمازِ جنازہ چکلالہ گیریژن راولپنڈی میں ادا کی گئی۔

پاک فوج کے شعبہ تعلقات عامہ (آئی ایس پی آر) کے مطابق نمازِ جنازہ میں فیلڈ مارشل سید عاصم منیر، وفاقی وزراء، گورنر خیبر پختونخوا، اعلیٰ عسکری و سول قیادت اور شہریوں کی بڑی تعداد نے شرکت کی۔

اس موقع پر اظہارِ خیال کرتے ہوئے وزیرِ دفاع نے کہا کہ پاکستانی قوم ان شہداء کی جرأت اور قربانیوں کی ہمیشہ مقروض رہے گی، جنہوں نے افغان سرزمین سے ہونے والی دہشت گردی اور بھارتی پراکسیز کا بہادری سے مقابلہ کیا۔

وزیرِ دفاع کا کہنا تھا کہ مسلح افواج قوم کی مکمل حمایت کے ساتھ پاکستان کے خلاف ہر سازش اور جارحیت کو ناکام بنانے کے لیے پُرعزم ہیں۔

انہوں نے کہا کہ دشمن چاہے جتنا بھی بزدلانہ وار کرے، ہماری قومی سلامتی پر آنچ نہیں آنے دیں گے اور ان قربانیوں کو کبھی فراموش نہیں کیا جائے گا۔