ای چالان کے نام پر ظلم! سندھ اسمبلی میں بھاری جرمانوں کے خلاف قرارداد جمع

کفیل احمد

30th Oct, 2025. 01:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ای چالان کے نام پر ظلم! سندھ اسمبلی میں بھاری جرمانوں کے خلاف قرارداد جمع

کراچی میں ای چالان کے نام پر شہریوں پر ظلم کا پہاڑ ٹوٹ پڑا ہے، تاہم جس کے پیش نطر جماعت اسلامی کے رکن سندھ اسمبلی محمد فاروق نے سندھ اسمبلی میں بھاری جرمانوں کے خلاف قرارداد جمع کروادی ہے۔

سندھ اسمبلی میں جمع کرائی گئی قرارداد میں جماعت اسلامی کے رکن سندھ اسمبلی محمد فاروق نے کہا کہ کراچی کی ٹوٹی سڑکیں، غائب نشانات اور اوپر سے بھاری چالان، شہریوں پر ظلم بند کیا جائے۔

قرارداد میں کہا گیا کہ غریب موٹر سائیکل سواروں پر بھاری جرمانے؟ حکومت فوری نوٹیفکیشن واپس لے! پنجاب میں 200 کا اور سندھ میں 5 ہزار کا جرمانہ؟ یہ کہاں کا انصاف ہے۔

مزید پڑھیں: شہرقائد میں ٹریفک کی خلاف ورزی؛ دوسرے روز بھی ڈھائی کروڑ سے زائد کے ای چالان

جماعت اسلامی کے مطابق کراچی کے شہری دوہری سزا کا شکار ہیں، ایک طرف خراب سڑکیں اور دوسری طرف ای چالان۔ ٹریفک پولیس شہریوں کو تنگ کرنے کے بجائے نظام درست کرے۔

سندھ اسمبلی میں جمع کرائی گئی قرارداد میں کہا گیا کہ ای چالان تنبیہ کے لیے ہو، اذیت کے لیے نہیں، کیمروں سے مجرم پکڑے جائیں۔

جماعت اسلامی کے رکن محمد فاروق نے مزید کہا کہ منصوبے مکمل کرو، سڑکیں درست کرو، عوام کو ستانا بند کرو اور کراچی کو ریلیف دو۔ کراچی کے شہریوں کے ساتھ امتیازی سلوک مسترد کرتا ہوں۔