سندھ کی 33 شوگر ملز کو نوٹس جاری، یکم نومبر سے کرشنگ کا آغاز لازمی قرار

ویب ڈیسک

14th Oct, 2025. 06:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ کی 33 شوگر ملز کو نوٹس جاری، یکم نومبر سے کرشنگ کا آغاز لازمی قرار

کین کمشنر سندھ نے صوبے بھر کی 33 شوگر ملوں کو سخت ہدایات جاری کرتے ہوئے حکم دیا ہے کہ گنے کی کرشنگ کا آغاز لازمی طور پر یکم نومبر سے کیا جائے۔

اس حوالے سے نوٹیفکیشن بھی جاری کر دیا گیا ہے، جس کی کاپی بول نیوز کو موصول ہو چکی ہے۔

ذرائع کے مطابق وزارت فوڈ سیکیورٹی اور پاکستان شوگر ملز ایسوسی ایشن (PSMA) سندھ زون کے درمیان کرشنگ سیزن کے آغاز پر اتفاق ہو گیا ہے، جس کے بعد شوگر ملز کو فوری طور پر بوائلرز گرم کرنے اور مشینری کو مکمل فعال کرنے کی ہدایات جاری کی گئی ہیں۔

کین کمشنر سندھ نے خبردار کیا ہے کہ جو شوگر ملز کرشنگ کے آغاز میں تاخیر کریں گی، ان کے خلاف قانونی کارروائی کی جائے گی۔ ساتھ ہی یہ بھی واضح کیا گیا ہے کہ آبادگاروں کو گنے کی قیمت کی بروقت ادائیگی ہر صورت یقینی بنائی جائے گی۔

حال ہی میں ہونے والی بارشوں کے باعث سندھ میں گنے کی فصل بھرپور اور اچھی حالت میں ہے، جس پر کاشتکاروں میں خوشی کی لہر دوڑ گئی ہے۔

کاشتکار حلقوں نے کرشنگ کے بروقت آغاز کو خوش آئند قرار دیا ہے اور امید ظاہر کی ہے کہ اس سال انہیں بہتر نرخ اور بروقت ادائیگی حاصل ہوگی۔