پولیس حراست میں ہلاکت، سرکاری مدعیت میں قتل خطا کا مقدمہ درج کرلیا گیا

خرم گلزار

25th Oct, 2025. 04:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

پولیس حراست میں ہلاکت، سرکاری مدعیت میں قتل خطا کا مقدمہ درج کرلیا گیا
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

پولیس حراست میں ہلاکت، سرکاری مدعیت میں قتل خطا کا مقدمہ درج کرلیا گیا

کراچی: اپنے پیٹی بند بھائیوں کو بچانے کے لیے پولیس کی پھرتیاں، ایس آئی یو پولیس کے تشدد سے جاں بحق نوجوان کے قتل کا مقدمہ سرکاری مدعیت میں درج کرلیا۔

بول نیوز کے مطابق ایس آئی یو پولیس کی حراست میں مبینہ تشدد سے جاں بحق ہونے والے نوجوان عرفان کے ورثا تاحال قتل کا مقدمہ درج کرانے کے انتظار میں ہیں، جبکہ پولیس نے سرکار کی مدعیت میں قتلِ خطا کا مقدمہ درج کر لیا ہے۔

مقدمہ الزام نمبر 443/25 صدر تھانے میں ایس ایچ او ایس آئی یو کی مدعیت میں درج کیا گیا ہے۔ ایف آئی آر کے متن کے مطابق دورانِ حراست عرفان کی طبیعت خراب ہوئی اور وہ بے ہوش ہو گیا۔

مدعی مقدمہ کے مطابق تفتیش اے ایس آئی عابد اور سرفراز کر رہے تھے، جنہوں نے مجھے اطلاع دیے بغیر عرفان کو اسپتال منتقل کیا، جہاں وہ بعد ازاں انتقال کر گیا۔

پولیس نے واقعہ میں زیر دفعہ 319/34 کے تحت 6 اہلکاروں کو نامزد کیا ہے، جبکہ ایف آئی آر میں زیرِ حراست افراد کے خلاف مقدمے کو مشکوک قرار دیا گیا ہے۔